22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
Թեհրանից հետո Շոյգուն Բաքու է մեկնել․ նրան ընդունել է Ալիևը
Քաղաքականություն
06.08.2024 | 12:54
ՌԴ Անվտանգության խորհրդի քարտուղար, պաշտպանության նախկին նախարար Սերգոյ Շոյգուն նախօրեին Թեհրան կատարած այցից հետո մեկնել է Բաքու։ Ադրբեջանական լրատվամիջոցների հաղորդմամբ՝ նրան ընդունել է Իլհամ Ալիևը։ Հանդիպումից մանրամասներ դեռևս չեն հաղորդվում։
Թեհրան կատարած այցի ընթացքում Շոյգուն հանդիպել էր նաև Իրանի նախագահ Մասուդ Փեզեշքիանին։ IRNA-ի հաղորդմամբ՝ Փեզեշքիանը Ռուսաստանն անվանել է «Իսլամական Հանրապետության ռազմավարական գործընկեր»՝ նշելով, որ այդ երկրի հետ կապերի ընդլայնումն Իրանի արտաքին քաղաքականության առաջնահերթություններից է։
Նա նաև անդրադարձել է տարածաշրջանային և միջազգային հարցերում Թեհրան-Մոսկվա համագործակցությանը՝ ասելով, որ «բազմաբևեռ աշխարհի ստեղծման շուրջ համագործակցությունը կբերի համաշխարհային խաղաղության և անվտանգության խթանմանը»:
Ինչ վերաբերում է Գազայում պաղեստինցիների դեմ իսրայելական գործողություններին, Իրանի նախագահն ասել է, որ «սիոնիստական վարչակարգի հանցավոր գործողությունները՝ զուգորդված ՀԱՄԱՍ-ի քաղաքական ղեկավար Իսմայիլ Հանիեի սպանությամբ, միջազգային իրավունքի խախտման վառ օրինակ են»։ Նա նաև ասել է, որ Իրանը երբեք չի ձգտում տարածաշրջանում լարվածության սրման և պատերազմի տարածման, սակայն «Իսրայելի ռեժիմն անպայման պատասխան կստանա իր հանցագործությունների համար»։
Շոյգուն իր հերթին ասել է, որ «Իրանը Ռուսաստանի առանցքային և ռազմավարական դաշնակիցներ»-ից է տարածաշրջանում և հավելել, որ երկու երկրների հարաբերությունները զարգացնում են բոլոր ոլորտներում։
