27.05.2026 | 21:52
Կօգտագործեմ լծակներս, որ Լուկաշենկոն ԵԱՏՄ-ն չկարողանա օգտագործել Հայաստանի դեմ. Փաշինյան. ՏԵՍԱՆՅՈՒԹ
ՌԴ-ի իշխանությունները հայտնել են Բելգորոդի և Կուրսկի շրջանների վրա ուկրաինական զինված ուժերի հարձակումների մասին
Քաղաքականություն
06.08.2024 | 10:58
Անցած գիշեր ուկրաինական զորքերը գնդակոծել են Սուջա քաղաքը, վիրավորվել է հինգ մարդ, այդ թվում՝ երեք երեխա, հայտնել է նահանգապետի պաշտոնակատար Ալեքսեյ Սմիրնովը, փոխանցում է BBC-ի ռուսական ծառայությունը։
«Այս գիշեր ուկրաինական կողմից գնդակոծվել է Սուջա քաղաքը։ Հինգ մարդ վիրավորվել է, այդ թվում՝ երեք երեխա։ Նրանք տեղափոխվել են Սուջայի շրջանի հիվանդանոց, որտեղ նրանց բուժօգնություն է ցուցաբերվում։ Բնակելի մի քանի շենք լրջորեն վնասվել է»,- գրել է նա Telegram-ում։
Բելգորոդի մարզի նահանգապետ Վյաչեսլավ Գլադկովը հայտնել է, որ Ուկրաինայի զինված ուժերը հարձակվել են Յասնիե Զորի գյուղի վրա։
«Արկի ուղիղ հարվածի հետևանքով ամբողջությամբ այրվել է մեկ ավտոմեքենա, վնասվել է մեկ առանձնատուն։ Անօդաչու թռչող սարքերի հարձակումներից և անօդաչու թռչող սարքերից նետված պայթուցիկ սարքերից հրդեհվել է մի ավտոտնակ, որի ներսում մեքենաներ են եղել»,- ասել է նա։
Մարզպետի խոսքով՝ բազմաբնակարան շենքի երեք բնակարանների ապակիներ են կոտրվել, իսկ բեկորներից վնասվել է առանձնատունն ու ութ ավտոմեքենա։
