06.04.2026 | 13:58
Ուկրաինական ԱԹՍ-ները հարձակվել են Կրասնոդարի մարզի վրա
Ալիևը հայտարարել է, թե Ֆրանսիան Ադրբեջանի նկատմամբ «անարդար գործունեություն» է ծավալում ՄԱԿ-ում և ԵՄ
Քաղաքականություն
06.08.2024 | 11:42
Ադրբեջանի նախագահ Իլհամ Ալիևը նախօրեին ընդունել է Բաքվում Բուրկինա Ֆասոյի նորանշանակ արտակարգ և լիազոր դեսպան Վինտ Սոմեի հավատարմագրերը և կրկին հանդես եկել հակաֆրանսիական հայտարարություններով։ Ընդգծելով, որ Ադրբեջանը չորս տարի հաջողությամբ նախագահել է «Չմիավորման շարժում»-ը, Ալիևն ասել է, որ այդ ընթացքում թեմաներից մեկը, որին այդ ընթացքում Ադրբեջանը հատուկ ուշադրություն է դարձրել՝ «գաղութատիրությունը, նեոգաղութատիրությունը և դրա դեմ պայքարն են»։
«Այդ համատեքստում նշելով, որ Ֆրանսիայի կողմից իրականացվող նեոգաղութատիրության քաղաքականությունը զզվանքի զգացում է առաջացնում, պետության ղեկավարն ասել է, որ Ադրբեջանն իր ձայնն է բարձրացրել այդ քաղաքականության դեմ և պահանջում է անկախություն, ազատություն՝ գաղութային արյունալի պատմություն ունեցող Ֆրանսիայի կողմից ստրկացված ժողովուրդների համար»,-ասվում է հայտարարության մեջ։
Ալիևը նաև նշել է, որ Ադրբեջանի ոչ կառավարական կազմակերպությունները ևս ակտիվ աշխատանքն են կատարում այդ ուղղությամբ միջազգային հասարակական շարժման շրջանակներում։
«Անդրադառնալով մեր երկրի նկատմամբ Փարիզի կողմնակալ դիրքորոշմանը, նախագահ Իլհամ Ալիևն ասել է, որ Ֆրանսիան ցույց է տվել իր իրական դեմքն այն բանից հետո, երբ Ադրբեջանը «ազատագրել է իր հողերը օկուպացիայից» և անարդար գործունեություն է ծավալում մեր երկրի դեմ ՄԱԿ-ում և Եվրամիությունում»,-ասվում է հաղորդագրության մեջ։
