17.03.2026 | 16:43
Իրանի հետ պատերազմում վիրավորվել է 200 ամերիկացի զինվոր
Կառավարությունն առաջարկում է 2-րդ երեխայի համար տրվող միանվագ նպաստը եռապատկել՝ դարձնել 150 հազար դրամ․ ՏԵՍԱՆՅՈՒԹ
Քաղաքականություն
06.09.2018 | 11:34
Կառավարության սեպտեմբերի 6-ի նիստում գործադիրը փոփոխություն կատարեց ՀՀ Կառավարության 2014 թ. ընդունված «Երեխայի ծննդյան միանվագ նպաստի չափը սահմանելու, երեխայի ծննդյան միանվագ նպաստ նշանակելու և վճարելու կարգը հաստատելու մասին» օրենքում։
Ըստ կատարված փոփոխության՝ երկրորդ երեխայի ծննդյան համար տրվող միանվագ նպաստի չափը 50 հազար դրամից կհասնի 150 հազար դրամի։
Հարցի զեկուցող Աշխատանքի և սոցիալական հարցերի նախարար Մանե Թանդիլյանն ասաց, որ այս փոփոխությամբ Կառավարությունը ցանկանում է հասարակության մեջ սերմանել այն գաղափարը, որ 2-րդ երեխայի ծնունդը ռազմավարական նշանակություն ունի ՀՀ-ի ժողովրդագրական վիճակի համար։
Նախագիծն ընդունվելու դեպքում 2018 թ․հոկտեմբերի 1-ին կամ դրանից հետո ընտանիքում ծնված երկրորդ երեխայի ծննդյան կապակցությամբ տրվող երեխայի ծննդյան միանվագ նպաստի չափը կավելանա 3 անգամ, որի արդյունքում լրացուցիչ բյուջետային միջոցների պահանջը 2018թ հոկտեմբերի-դեկտեմբեր ամիսներին կկազմի շուրջ 375 մլն դրամ, իսկ 2019թ և հետագա տարիների համար` տարեկան շուրջ 1.5 մլրդ դրամ:
Վարչապետ Նիկոլ Փաշինյանն առաջարկեց, քանի որ այս որոշման նախագծով լուծված չէ ընտանիքում ծնված զույգ երեխաների համար սահմանված նպաստի չափը, ուստի որոշվեց նախագիծը դնել քվեարկության Կառավարության հաջորդ նիստում՝ համապատասխան լրացումները կատարելուց հետո։
Մանրամասները՝ տեսանյութում։
