01.11.2024 | 11:17
Վահագն Խաչատուրյանը հեռախոսազրույցներ է ունեցել ՀՀ շրջակա միջավայրի և արտաքին գործերի նախարարների հետ
Կիմ Չեն Ընը թույլատրել է բանակցություններ վարել ԱՄՆ-ի հետ
Քաղաքականություն
05.08.2024 | 23:15
Հյուսիսային Կորեայի առաջնորդ Կիմ Չեն Ընը հայտարարել է ԱՄՆ-ի հետ շարունակվող դիմակայության համատեքստում երկրի ռազմական ներուժի ավելացման անհրաժեշտության մասին։ Միևնույն ժամանակ, նա թույլատրել է Փհենյանի և Վաշինգտոնի միջև երկխոսությունը, սակայն նշել է, որ ԿԺԴՀ-ն միշտ պետք է պատրաստ լինի առճակատման, փոխանցում է Կոմերսանտը։
Օգոստոսի 4-ին Կիմ Չեն Ընը ելույթ է ունեցել զորքերին 250 նոր մարտավարական հրթիռային համակարգերի հանձնման արարողության ժամանակ։ Այսօր արդեն նրա ելույթը հրապարակել է Կորեայի կենտրոնական լրատվական գործակալությունը (KCNA): ԿԺԴՀ ղեկավարն ասել է, որ վերջին հինգ տարիների ընթացքում ԱՄՆ-ի հետ հակամարտությունը մոտեցել է «վտանգավոր կետի», աճել են միջուկային զենքի կիրառման ռիսկերը։
«Այս պայմաններում մեր հանրապետության զինված ուժերի հզորությունը և մեր անկախ պաշտպանական արդյունաբերության առաջընթացը պետք է շարունակեն արագանալ։ Ե՛վ երկխոսությունը, և՛ առճակատումը կարող են լինել մեր ընտրությունը, բայց մենք պետք է ավելի զգույշ պատրաստվենք առճակատմանը»,- ասել է նա։
Կիմ Չեն Ընն ընդգծել է, որ ԿԺԴՀ-ի զինված ուժերի առաջնահերթությունը «ոչ միայն ԱՄՆ-ից բխող սպառնալիքներին, այլ նաև ապագա անվտանգության ռիսկերին արձագանքելու կարողությունն է»։
