07.10.2026 | 21:10
Եվրախորհրդարանի բանաձևի նախագծում իմ առաջարկով ներառվել է հայ գերիների հարցը․ Մարինա Մեզյուր
Ավելի քան տասը երկրներ իրենց քաղաքացիներին կոչ են արել անհապաղ հեռանալ Լիբանանից
Քաղաքականություն
05.08.2024 | 19:14
Այն երկրների ցանկը, որոնք կոչ են անում իրենց քաղաքացիներին անհապաղ լքել Լիբանանի տարածքը, շարունակում է ընդլայնվել։ Այսօր Ճապոնիայի դեսպանատունը նմանատիպ ծանուցում է ուղարկել երկրի քաղաքացիներին՝ շիաների «Հըզբոլլահ» շարժման և Իսրայելի միջև զինված հակամարտության հնարավոր սրման պայմաններում, գրում է ՌԻԱ Նովոստին:
Անցյալ շաբաթ շիաների բարձրաստիճան հրամանատար Ֆուադ Շուքրը սպանվեց Բեյրութի արվարձաններից մեկում իսրայելական օդային հարվածների հետևանքով։ Բազմահարկ բնակելի շենքը, որտեղ նա գտնվում էր, հիմնովին ավերվել է։ Վիրավորվեց 68 խաղաղ բնակիչ։
Շարժման առաջնորդ Հասան Նասրուլլան իր վերջին ելույթի ժամանակ ասել է, որ «Հըզբոլլահ»-ն անցնում է Իսրայելի հետ պայքարի նոր մակարդակի և մտադիր է ուժեղ հակահարված տալ։
Ավելի ուշ Թեհրանում սպանվեց պաղեստինյան ՀԱՄԱՍ շարժման քաղբյուրոյի ղեկավար Իսմայիլ Հանիեն, ում մահվան համար Իրանը հատուցմամբ սպառնաց Իսրայելին։ Իսրայելի ղեկավարությունը հայտարարել է, որ պատրաստ է զանգվածային հարվածներ հասցնել Լիբանանին՝ Իրանի և տարածաշրջանում նրա դաշնակիցների հարձակման դեպքում:
