06.08.2026 | 10:16
Որպես անհետ կորած որոնվում է Վահագ Մարտիրոսյանը
«Summer Fest 2024»․ կայացավ ամռան ամենասպասված փառատոններից մեկը. ԼՈՒՍԱՆԿԱՐՆԵՐ
Հասարակություն
05.08.2024 | 18:37
Օգոստոսի 3-ին Երևանում կայացավ ամռան ամենասպասված երաժշտական իրադարձություններից մեկը՝ «Summer Fest 2024» փառատոնը։ Երեկոյի ընթացքում ելույթ ունեցան հայտնի կատարողներ Սարո Թովմասյանը, Սիրուշոն, «Մենք փրոջեքթ»-ը և «Կարեն Սևակ» բենդը։ Միջոցառումը վարեց Ավետ Բարսեղյանը:
Սարո Թովմասյանը փառատոնին ներկայացավ ինչպես հայտնի ու սիրված, այնպես էլ նոր երգերով, որոնցից մեկի տեսահոլովակը նկարահանվեց հենց «Summer Fest 2024»-ի ժամանակ։
Հանդիսատեսին իր կատարումներով գերեց Սիրուշոն․ նա հանդես եկավ իր ամենահայտնի հիթերով՝ ներառյալ եվրատեսիլյան «Քելե-քելե», «ՊռեԳոմեշ», «Դոնիկ», «Հավատում եմ», «Come back» և այլն։
«Summer Fest 2024» ամենամյա փառատոնի կազմակերպիչներն են «Starslife production»-ի հիմնադիր տնօրեն Հայկ Սերոբյանը և «Մենք փրոջեքթ»-ի պրոդյուսեր Անուշ Սաֆարյանը։
«Summer Fest 2024»-ը իրականություն դարձրեց հանդիսատեսի սպասումները. վառ և հիշարժան երեկո՝ լի երաժշտությամբ, պարերով և ամառային բարձր տրամադրությամբ։
Միջոցառմանը խաղարկվեցին նաև 3.000.000 դրամ և երկու հատ 500.000 դրամ արժողությամբ նվեր քարտեր։
Արփի Հակոբյան
