09.09.2026 | 16:01
Վահե Ղալումյանը՝ ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի փոխնախագահ
Բանգլադեշի վարչապետը ժամանել է Հնդկաստանի ռազմաօդային ուժերի բազա
Քաղաքականություն
05.08.2024 | 18:25
Բանգլադեշի վարչապետ Շեյխ Հասինան վայրէջք է կատարել Հնդկաստանի ռազմաօդային ուժերի բազայում, հաղորդում է NDTV-ն։
«Շեյխ Հասինան վայրէջք է կատարել Ղազիաբադում գտնվող Հինդոնի ռազմաօդային ուժերի բազայում»,- ասվում է հեռուստաալիքի հրապարակման մեջ:
News18 հեռուստաալիքն ավելի վաղ հայտնել էր, որ Հասինան ժամանել է Հնդկաստանի Ագարտալա քաղաք։
Բանգլադեշի վարչապետ Շեյխ Հասինան և նրա քույրը լքել են իրենց նստավայրը մայրաքաղաք Դաքայում և անկարգությունների ֆոնին հեռացել երկրից ավելի ապահով վայր։ News18-ը հայտնել է, որ Հասինան հրաժարական է տվել։
Բողոքի ցույցերը սկսվել են Դաքայում և ամբողջ երկրում՝ իշխանությունների հետ «չհամագործակցելու» բազմօրյա ակցիայի մասին հայտարարությունից հետո, որը կիրակի մեկնարկել է «Ընդդեմ խտրականության» ուսանողական շարժման նախաձեռնությամբ: Հակակառավարական ուսանողների, ոստիկանության և կառավարության կողմնակիցների միջև բախումները վերաճել են անկարգությունների:
Բանգլադեշի կառավարությունը Դաքայում և երկրի այլ քաղաքներում պարետային ժամ է սահմանել տեղական ժամանակով 18.00-ից՝ մինչև հետագա ծանուցումը։ Առաջիկա երեք օրերին ամբողջ երկրում հայտարարվել են հանգստյան օրեր։
