25.06.2026 | 18:33
ՄԻՊ-ը հանդիպել է Անդրանիկ Թևանյանի իրավունքներին առնչվող հարցեր բարձրաձայնող անձանց
Թրամփը Պուտինին իր աջակցությունն անվանել է «ֆեյք» և Զելենսկիին խոստացել հասնել արդար խաղաղության․ Politico
Քաղաքականություն
05.08.2024 | 19:44
Պատկերացումներն այն մասին, որ Դոնալդ Թրամփը ռուս-ուկրաինական հակամարտությունում կխաղա հօգուտ Վլադիմիր Պուտինի, իսկ Քամալա Հարիսը կշարունակի Ջո Բայդենի քաղաքականոությունը, ճիշտ չեն։ ԱՄՆ նախագահական ընտրություններում ով էլ հաղթի, Կիևը կարող է է՛լ ավելի ընդլայնված աջակցության հույս ունենալ, քան ներկայիս վարչակարգի օրոք։ Այս մասին գրում է Politico-ն՝ հավելելով, որ վերջին շրջանում Թրամփն արդեն գործողություններով ու խոսքերով աջակցել է Կիևին։
«Եթե մոռանաք Թրամփի շուրջ ստեղծված աղմուկը և նայեք իրական գործողություններին, ապա կարող եք տեսնել Ուկրաինայի նկատմամբ շատ ավելի բարենպաստ վերաբերմունքի հավանականությունը»,- գրում է Politico Magazine-ի մեկնաբանությունների բաժնի խմբագիր, Politico Europe-ի համահիմնադիր և միջազգային հարցերով փորձագետ Մեթյու Կամինսկին։
Ըստ նրա՝ նախ, չպետք է մոռանալ, որ հենց Թրամփի վարչակազմն է 2017 թվականին սկսել Ուկրաինային մատակարարել Javelin հակատանկային նռնականետեր, որոնք նրան այդքան օգնեցին պատերազմի սկզբում և թույլ տվեց կանգնեցնել ու հետ մղել ռուսական բանակի զրահապատ շարասյուները։
Երկրորդ՝ առաջին օտարերկրյա առաջնորդը, որին Թրամփը զանգահարել է Վենսի ընտրության և Հանրապետական կուսակցությունից նախագահի պաշտոնում առաջադրվելու մասին հայտարարությունից հետո, Վլադիմիր Զելենսկին էր, նշում է Կամինսկին և հավելում․ «Նրանց զրույցի մանրամասներին ծանոթ մարդիկ պնդում են, որ ամեն ինչ ավելի լավ է անցել, քան կարող էին հուշել ջերմ զրույցի մասին պաշտոնական ակնարկները»։
Ըստ նրանց՝ Թրամփը «ֆեյք» է անվանել այն լուրերը, թե ինքը կօգնի Պուտինին, և Զելենսկիին խոստացել է արդար խաղաղություն փնտրել։
