07.10.2026 | 17:17
Ռուբիոն հայտարարել է, որ Իրանը «լիովին կորցրել է վերահսկողությունը» Հորմուզի նեղուցի նկատմամբ
Իրանը հայտարարել է, որ չի ցանկանում տարածաշրջանում էսկալացիա, բայց պետք է պատժի Իսրայելին
Քաղաքականություն
05.08.2024 | 14:24
Իրանը չի ձգտում սրել տարածաշրջանային լարվածությունը, սակայն կարծում է, որ պետք է պատժի Իսրայելին՝ հետագա անկայունությունը կանխելու համար։ Այս մասին հայտարարել է Իրանի ԱԳՆ խոսնակ Նասեր Քանանին անցած շաբաթ Թեհրանում ՀԱՄԱՍ-ի առաջնորդ Իսմայիլ Հանիեի սպանությունից հետո, գրում է Reuters-ը։
«Իրանը ձգտում է կայունություն հաստատել տարածաշրջանում, բայց դա տեղի կունենա միայն ագրեսորին պատժելու և սիոնիստական ռեժիմի արկածախնդրության դեմ զսպող միջոցներ ստեղծելու դեպքում»,- ասել է Քանանին՝ հավելելով, որ Թեհրանի գործողություններն անխուսափելի են։
Իրանցի պաշտոնյան ԱՄՆ-ին կոչ է արել դադարեցնել աջակցությունն Իսրայելին՝ ասելով, որ միջազգային հանրությունը չի կատարել տարածաշրջանում կայունություն ապահովելու իր պարտականությունը և պետք է աջակցի «ագրեսորի պատժին»:
Իսլամական հեղափոխության պահապանների կորպուսի գլխավոր հրամանատար Հոսեյն Սալամին էլ կրկնել է սպառնալիքը՝ «Իսրայելը պատժվելու է իր ժամանակին»:
