07.10.2026 | 22:05
Վրաստանի կրթության, գիտության և երիտասարդության նախարարի հետ քննարկվել են համագործակցության հեռանկարները
ՀՀ-ն չի մասնակցի ՀԱՊԿ «Կոբալտ-2024» զորավարժություններին
Քաղաքականություն
05.08.2024 | 13:10
Հավաքական անվտանգության պայմանագրի կազմակերպության (ՀԱՊԿ) «Կոբալտ-2024» զորավարժությունները Ռոսգվարդիայի ղեկավարությամբ կանցկացվեն օգոստոսի 14-ից 16-ը Նովոսիբիրսկում։ ՏԱԱՍ-ի փոխանցմամբ՝ Ռոսգվարդիայի մամուլի հաղորդագրությունում նշված է, որ միջոցառմանը կմասնակցեն Ռուսաստանի Դաշնության, Բելառուսի, Ղազախստանի, Տաջիկստանի և Ղրղզստանի շահագրգիռ նախարարությունների և գերատեսչությունների ներկայացուցիչներ։ ՀՀ-ն մասնակցի երկրների ցանկում նշված չէ։
«2024 թվականի օգոստոսի 14-ին Ռուսաստանի Դաշնության Ազգային գվարդիայի զորքերի դաշնային ծառայության ղեկավարությամբ Նովոսիբիրսկի մարզում, գերատեսչության ուսումնական կենտրոնի բազայում, կկայանա ՀԱՊԿ «Կոբալտ-2024» արագ արձագանքման հավաքական ուժերի հրամանատարա-վերահսկման մարմինների և հատուկ նշանակության ուժերի կազմավորումների հատուկ զորավարժությունների բացումը։ Զորավարժությունները կավարտվեն օգոստոսի 16-ին»,- ասված է հաղորդագրության մեջ։
Հիշեցնենք՝ Հայաստանի վարչապետ Նիկոլ Փաշինյանն ավելի վաղ France 24-ին տված հարցազրույցում ասել է, որ Հայաստանը «սառեցրել է» իր մասնակցությունը Հավաքական անվտանգության պայմանագրի կազմակերպությանը (ՀԱՊԿ)։ Կազմակերպությունից ի պատասխան բազմիցս հայտնել են, որ ՀՀ-ին համարում են ՀԱՊԿ լիիրավ անդամ։
