23.01.2026 | 19:50
Իրանում 2 հայկական եկեղեցի է վնասվել․ Արաղչին հայտնել է բողոքի ցույցերի ժամանակ 3,117 զոհի մասին
Թուրքիայի ԱԳՆ-ն նույնպես իր քաղաքացիներին զգուշացնում է՝ զերծ մնալ Լիբանան այցելելուց
Քաղաքականություն
05.08.2024 | 13:27
Թուրքիան, մի շարք երկրների հետ միասին, ճանապարհորդական խորհուրդներ է հրապարակել երկրի քաղաքացիների համար, որոնք գտնվում են Լիբանանում կամ ծրագրում են մեկնել այնտեղ «Հըզբոլլահ»-ի բարձրագույն հրամանատարի և ՀԱՄԱՍ-ի քաղաքական ղեկավարի սպանությունից հետո լարվածության սրման պայմաններում, գրում են թուրքական լրատվամիջոցները։
«Լիբանանում գտնվող մեր քաղաքացիներին խորհուրդ է տրվում զգույշ լինել և զերծ մնալ Նաբաթիե, Հարավային Լիբանան, Բեքաա և Բաալբեք-Հերմել շրջաններ մեկնելուց, եթե խիստ անհրաժեշտություն չկա»,- ասվում է Թուրքիայի ԱԳՆ-ի հայտարարության մեջ:
Ըստ հայտարարության՝ հավանական է, որ Լիբանանում անվտանգային իրավիճակն արագորեն կվատթարանա՝ կապված տարածաշրջանում վերջին զարգացումների հետ։ Միաժամանակ, քաղաքացիներին խորհուրդ է տրվում հեռանալ Լիբանանից, «եթե նրանց ներկայությունն այդ երկրում անհրաժեշտություն չէ», քանի դեռ հասանելի են կոմերցիոն թռիչքները:
Ավելի վաղ Հայաստանի ԱԳՆ-ն էր հայտարարություն տարածել՝ ՀՀ քաղաքացիներին հորդորելով ժամանակավորապես զերծ մնալ Լիբանան այցելելուց։
