28.05.2026 | 23:35
Որտե՞ղ է կռվել Արթուր Օսիպյանը․ Նիկոլ Փաշինյանին արձագանքում են Օսիպյանի մարտական ընկերները
Մեծ Բրիտանիայում անկարգությունների պատճառով ևս 150 մարդ է կալանավորվել
Քաղաքականություն
05.08.2024 | 12:58
Մեծ Բրիտանիայում աջակողմյան խմբերի բողոքի ցույցերն անկարգությունների վերածվելու ֆոնին օգոստոսի 3-ից ավելի քան 150 մարդ է ձերբակալվել, հայտնել են թագավորության ոստիկանությունից: Ի թիվս այլ վայրերի՝ բռնության բռնկումներ են գրանցվել Լիվերպուլում, Մանչեսթերում, Միդլսբրոյում, Բրիստոլում և Բելֆաստում, գրում է DW-ի ռուսական ծառայությունը։
Մեծ Բրիտանիայում անկարգությունները շարունակվում են արդեն հինգերորդ օրն անընդմեջ։ Վարչապետ Քիր Սթարմերը հայտարարել է «աջ ծայրահեղականների խուլիգանության» մասին՝ դրանց մասնակիցներին սպառնալով իրավական պատասխանատվությամբ։ Նա ոստիկանությանը «կառավարության լիակատար աջակցությունն է խոստացել ընդդեմ «ծայրահեղականների, որոնք փորձում են բորբոքել լարվածություն»։
Բռնկված անկարգությունները համարվում են երկրում վերջին տասը տարիների ընթացքում ամենազանգվածայինը։ Դրանց պատճառ է դարձել ներգաղթյալների ընտանիքից 17-ամյա դեռահասի կատարած հանցագործությունը։ Հուլիսի 29-ին Սաութպորտ առողջարանային քաղաքում նա դանակով հարձակվել է կրտսեր տարիքի դպրոցականների պարային ստուդիայի վրա։
Հարձակման հետևանքով երեք աղջիկ է զոհվել, ևս ութ երեխա դանակահարվել է, որոնցից հինգի վիճակը ծանր է։
Երեխաներին օգնելու շտապած երկու մեծահասակներ նույնպես ծանր վնասվածքներով հիվանդանոցում են։ Հարձակվողին ձերբակալել են և մեղադրանք առաջադրել։
