08.10.2026 | 09:59
Կառավարության նիստը՝ ՈՒՂԻՂ
Երկու շաբաթ գործակարգավարական նիստեր տեղի չեն ունենա. Տիգրան Ավինյանի արձակուրդում լինելը ո՞րքանով կապ ունի
Քաղաքականություն
05.08.2024 | 09:18
Ամեն երկուշաբթի Երևանի քաղաքապետարանում անցկացվող գործակարգավարական խորհրդակցություններն այսօր և մյուս շաբաթ չեն կայանա: Երևանի քաղաքապետ Տիգրան Ավինյանը մինչև օգոստոսի 17-ը արձակուրդում է լինելու, թեև նրա խոսնակ Հայկ Կոստանյանը Factor.am-ին փոխանցեց, որ մեկը մյուսի հետ կապ չունի. նիստեր տեղի չեն ունենա, քանի որ թեմաներն են սակավ:
Նկատենք, որ անցյալ տարի ավագանու ընտրություններից առաջ` քարոզարշավի ակտիվ փուլում Տիգրան Ավինյանը, լինելով արձակուրդում, վարում էր գործակարգավարական նիստերը: Քաղաքապետի մամուլի խոսնակն այդ ժամանակ մեզ հայտնել էր, որ Ավինյանն այդ օրերին «կընդհատի արձակուրդը և մեկ օրով աշխատանքի կվերադառնա, որպեսզի վարի նիստերը»:
Փաստաբան Տիրուհի Վարդանյանը Factor.am-ին հայտնել էր, որ դա աշխատանքային օրենսգրքով սահմանված պահանջի խախտում է:
Հավելենք, որ Ավինյանի բացակայության ընթացքում Երևանի քաղաքապետի պարտականությունները կատարում է առաջին տեղակալ Արմեն Փամբուխչյանը, բայց ֆեյսբուքում աշխատանքային ակտիվ հրապարակումներ է անում Ավինյանը:
Արփի Հակոբյան
