16.03.2026 | 10:53
Սյունիքի նախկին մարզպետը դատի է տվել ՔՊ-ական Արմեն Խաչատրյանին` ֆեյսբուքյան գրառման համար․ նա 1 մլն դրամ է պահանջում
Դոնալդ Թրամփը հայտարարել է, որ Fox News-ի հետ պայմանավորվել է Քամալա Հարիսի հետ բանավեճի շուրջ
Քաղաքականություն
03.08.2024 | 11:55
Հանրապետական կուսակցությունից ԱՄՆ նախագահի թեկնածու Դոնալդ Թրամփը հայտարարել է, որ Fox News հեռուստաալիքի հետ պայմանավորվել է բանավեճի շուրջ իր գլխավոր ընդդիմախոսի ՝ գործող փոխնախագահ Քամալա Հարիսի հետ:
«Արմենպրես»-ի հաղորդմամբ՝ այս մասին նա հայտնել է իր Truth Social սոցիալական ցանցում։ Թրամփի խոսքով՝ բանավեճը պետք է տեղի ունենա սեպտեմբերի 4-ին Փենսիլվանիայում:
«Ես պայմանավորվել եմ Fox News-ի հետ՝ չորեքշաբթի, սեպտեմբերի 4-ին, Քամալա Հարիսի հետ բանավեճ անցկացնելու համար։ Fox News-ի բանավեճը տեղի կունենա Փենսիլվանիայում», – գրել է նա: Թրամփը պնդում է, որ միջոցառմանը ներկա լինի հանդիսատեսը։ Հարիսը դեռ չի մեկնաբանել բանավեճ անցկացնելու մասին Թրամփի խոսքերը:
