31.10.2026 | 19:10
Քննարկվել են Հայաստանի և Ծոցի համագործակցության խորհրդի միջև փոխգործակցության հարցեր
ԲԱՆԱՎԵՃ․ Թուրքիան կբացի՞ ՀՀ-ի սահմանը․ ի՞նչ սպասել Մարգարայում Ռուբինյան-Քըլըչ հանդիպումից հետո. ՏԵՍԱՆՅՈՒԹ
Քաղաքականություն
02.08.2024 | 20:30
Մարգարայի անցակետում Ռուբեն Ռուբինյան – Սերդար Քըլըչ հանդիպումից մեկ-երկու օր անց Թուրքիայի ԱԳ նախարար Հաքան Ֆիդանը հրապարակավ ընդունել է, որ հայ-թուրքական և հայ-ադրբեջանական հարաբերությունների կարգավորման գործընթացները փոխկապակցված են․ «Հայաստանի և Ադրբեջանի միջև հանդիպումները շարունակվում են, և մենք հայ-ադրբեջանական հարաբերությունների կարգավորման դեպքում պետք է մեր սցենարը նախապատրաստենք։ Այժմ այդ ուղղությամբ աշխատանքները շարունակվում են։ Մենք կարող ենք կյանքի կոչել դրական սցենարն, այսինքն՝ բացել սահմանը Հայաստանի հետ»,- ասել է նախարարը։
Մինչդեռ Մարգարայի հանդիպումից հետո հայտարարվել էր, որ բանագնացներ Ռուբեն Ռուբինյանն ու Սերդար Քըլըչը պայմանավորվել են տարածաշրջանային զարգացումներին համապատասխան գնահատել տեխնիկական կարիքները, որոնք հնարավորություն կընձեռեն գործարկել Ախուրիկ/Աքյաքա երկաթուղու սահմանային անցակետը։ Ինչպես նաև՝ որոշվել է փոխադարձաբար դյուրացնել վիզայի ընթացակարգերը դիվանագիտական/պաշտոնական անձնագրեր ունեցողների համար։ Հայկականի կողմն արդեն վերակառուցել է հայ-թուրքական սահմանի Մարգարայի անցակետը՝ այն պատրաստ է գործարկման համար, մինչդեռ Թուրքիան բացումը կապում է Ադրբեջանի հետ բանակցային պրոցեսի հետ։ Ինչո՞ւ։
Factor TV-ի տաղավարում հրավիրել ենք քննարկում որին մասնակցում են Նելլի Մինասյանը՝ թուրքագետ, Լիլիթ Դալլաքյանը՝ քաղաքագետ, Արա Պապյանը՝ դիվանագետ, ԱԺԲ խորհրդի անդամ, Դավիթ Կարապետյանը՝ միջազգայնագետ, Հայկ Միրզոյանը՝ Պահպանողական կուսակցության նախագահ։
