22.11.2024 | 14:15
Եղանակը կցրտի․ առաջիկա օրերին բարձրադիր շրջաններում ձյուն է սպասվում
Կատարում տեղի է ունեցել ՀԱՄԱՍ-ի քաղբյուրոյի ղեկավարի հուղարկավորության արարողությունը
Քաղաքականություն
02.08.2024 | 17:53
Կատարում տեղի է ունեցել ՀԱՄԱՍ-ի քաղաքական բյուրոյի ղեկավար Իսմայիլ Հանիեի հուղարկավորությունը, զուգահեռաբար, մի շարք երկրների մզկիթներում տեղի են ունեցել Թեհրանում սպանված պաղեստինցի առաջնորդի հիշատակի արարողություններ, գրում է CNN-ը։
Հանիեի դագաղը դրվել է Կատարի մայրաքաղաք Դոհայի մզկիթում՝ թաղման աղոթքի համար։ Նախօրեին էլ Իրանի գերագույն հոգևոր առաջնորդ այաթոլլա Ալի Խամենեիի գլխավորած երթը Թեհրանում էր հավաքել հազարավոր մարդկանց:
ՀԱՄԱՍ-ի փոխնախագահ Խալիլ Ալ Հայյան գլխավորել է հուղարկավորության արարողությունը, որը տեղի է ունեցել մահմեդական ուրբաթօրյա աղոթքից հետո։ Ներկա են եղել Կատարի Էմիր Շեյխ Թամիմ բեն Համադ ալ-Թանին և վարչապետ Շեյխ Մուհամեդ բեն Աբդուլռահման ալ-Թանին։
Հուղարկավորության աղոթքից հետո պաղեստինյան դրոշներով հավատացյալները կարգախոսներ են վանկարկել Իսրայելի դեմ և ի պաշտպանություն պաղեստինցիների։
Ակնկալվում է, որ Հանիեն թաղվելու է Լուսաիլում, ինչպես ավելի վաղ հայտարարել էր ՀԱՄԱՍ-ը։
