16.03.2026 | 00:04
Ըմբիշ Սուրեն Աղաջանյանը դարձել է Եվրոպայի Մ-23 չեմպիոն․ ՏԵՍԱՆՅՈՒԹ
Ֆրանսիայում Օլիմպիական խաղերի մեկնարկից ի վեր 200 չարագործ է ձերբակալվել
Քաղաքականություն
02.08.2024 | 16:18
Ֆրանսիայի ժանդարմերիայի և ոստիկանության ուժերը Փարիզի Օլիմպիական խաղերի մեկնարկից ի վեր 200 չարագործի են ձերբակալել, հայտարարել է երկրի ներքին գործերի նախարար Ժերալդ Դարմանենը, փոխանցում է BFMTV-ն։
«Հայտնի են Օլիմպիական խաղերի այս շաբաթվա առաջին վիճակագրական թվերը։ Բերման է ենթարկվել 200 մարդ, որից 180-ը կալանքի տակ է։ Փարիզում և սրա արվարձաններում բռնության կիրառմամբ գողությունների թիվը նվազել է 24%-ով, իսկ մեքենաների գողությունների թիվը՝ 10%-ով»,- ասել է նա։
Նախարարը նշել է նաև Օլիմպիական խաղերի ընթացքում հանցագործությունների մակարդակի նվազման մասին, ինչը նա կապել է հանրային վայրերում մեծ թվով իրավապահների ներկայության հետ։
Մեկնաբանելով ահաբեկչության սպառնալիքը՝ Դարմանենն ասել է, որ այդ մասին տեղեկատվություն պետք է ակնկալել Արդարադատության նախարարությունից և Հակաահաբեկչական դատախազությունից, որը համապատասխան կերպով կորակավորի գործերը։ Սակայն, ըստ նրա, ամեն օր տեղի են ունենում հանցավոր մտադրությունների մեջ կասկածվող անձանց ձերբակալություններ։
