13.12.2024 | 18:30
Կրասնոդարում դպրոցականների վրա դանակով հարձակված ՀՀ քաղաքացի դեռահասի ծնողները կվտարվեն ՌԴ-ից
Բայրամովը Թուրքիայի ԱԳՆ պաշտոնյայի հետ հանդիպմանը խոսել է ՀՀ Սահմանադրությունից ու ռազմականացումից
Քաղաքականություն
02.08.2024 | 12:38
Ադրբեջանի ԱԳ նախարար Ջեյհուն Բայրամովը Թուրքիայի ԱԳՆ Արևելյան Եվրոպայի և Հարավային Կովկասի գլխավոր վարչության ղեկավար Մեհմեթ Սամսարի գլխավորած պատվիրակության հետ Բաքվում հանդիպմանը քննարկել է երկու երկրների միջև առկա դաշնակցային հարաբերությունները, բազմակողմ ձևաչափերում համագործակցությունից բխող, ինչպես նաև տարածաշրջանային և միջազգային անվտանգության հարցեր, հաղորդում է Ադրբեջանի ԱԳՆ-ն։
Բայրամովն իր զրուցակցին մանրամասն տեղեկացրել է Ադրբեջանի և Հայաստանի միջև հարաբերությունների կարգավորման գործընթացի մասին։
«Ուշադրություն է հրավիրվել, որ խաղաղության գործընթացի առջև ծառացած խնդիրները պահպանվում են, այդ թվում՝ մեր երկրի տարածքային ամբողջականության և ինքնիշխանության նկատմամբ շարունակվող պահանջներն ու Հայաստանի Սահմանադրությունում առկա պահանջները, քայլեր, որոնք սպառնում են տարածաշրջանային կայունությանը՝ նպաստելով երրորդ երկրների կողմից Հայաստանի ռազմականացմանը»,- ասվում է հայտարարության մեջ։
Նշվել է, թե, իբր, «նման սպառնալիքները խոչընդոտում են խաղաղությանն ու կայունությանը, տարածաշրջանում փոխգործակցությանը, տարածաշրջանային տրանսպորտային կապերի զարգացմանը և, ընդհանրապես, տարածաշրջանային խնդիրների կարգավորմանը, ընդգծվել է այդ սպառնալիքների վերացման կարևորությունը»։
