09.09.2026 | 16:38
Արմեն Գրիգորյանը նոր պաշտոն է ստացել միջազգային ընկերությունում
Սամվել Ալեքսանյանի դուստրը տուգանվել է 1 մլն դրամով
Հասարակություն
01.08.2024 | 16:39
Սամվել Ալեքսանյանի դուստրը՝ Աստղիկ Ալեքսանյանը, և նրան պատկանող «Ալեքս Տեքստիլ» ընկերությունը տուգանվել են 1 մլն դրամով չհայտարարագրված համակենտրոնացման համար։
«Ալեքս Տեքստիլ» ընկերության մի մասը պատկանել է Աստղիկ Ալեքսանյանին, մի մասն էլ՝ նրա հորաքրոջ որդուն։ Վերջինս իրեն պատկանող բաժնեմասը նվիրաբերել է Աստղիկ Ալեքսանյանին՝ առանց համակենտրոնացման մասին թույլտվություն ստանալու ՄՊՀ-ից։
«Տնտեսական մրցակցության պաշտպանության մասին» օրենքի համաձայն՝ տնտեսավարող սուրյեկտների համակենտրոնացում է համարվում տնտեսավարող սուբյեկտի կողմից Հայաստանի Հանրապետությունում գրանցված այլ տնտեսավարող սուբյեկտի փայաբաժնի ձեռքբերումը, եթե դա ինքնին կազմում է այդ տնտեսավարող սուբյեկտի կանոնադրական (բաժնեհավաք) կապիտալի առնվազն 20 տոկոսը կամ եթե ձեռք բերողին արդեն իսկ պատկանող փայաբաժնի հետ կազմում է այդ տնտելավարող սուբյեկտի կանոնադրական (բաժնեհավաք) կապիտալի առնվազն 20 տոկոսը:
Տնտեսավարող սուբյեկտների համակենտրոնացումը մինչև գործողության մեջ դնելը ենթակա է հայտարարագրման, եթե համակենտրոնացման մաանակիցների ակտիվների ընդհանուր արժեքը կամ մասնակիցներից առնվազն մեկի ակտիվների արժեքը համակենտրոնացման հայտարարագիր ներկայացվելու պահին կամ դրան նախորդող վերջին ֆինանսական տարում գերազանցել է Հանձնաժողովի որոշմամբ սահմանված ակտիվների արժեքը:
«Ալեքս տեքստիլ» ընկերությունը տեղեկացրել է, որ ի սկզբանե նախատեսված է եղել, որ «Ալեքս Տեքստիլ» ընկերության բաժնեմասերի սեփականատերը և իրական շահառուն պետք է հանդիսանար ֆիզիկական անձ Աստղիկ Սամվելի Ալեքսանյանը, ուստի՝ այդ նպատակով էլ 2022 թվականի հունվարի 31-ին կնքվել է բաժնեմասի նվիրատվության պայմանագիրը: Գործարքն իրականացվել է նվիրատվության պայմանագրի հիման վրա, քանի որ հանդիսանում է Աստղիկ Ալեքսանյանի հորաքրոջ որդին:
«Ալեքս Տեքստիլ» ընկերության և ֆիզիկական անձ Աստղիկ Սամվելի Ալեքսանյանի կողմից Օրենքով սահմանված կարգով Հանձնաժողով չդիմելու պատճառը համակենտրոնացման հայտարարագրման պարտավորության մասին տեղեկացված չլինելն է:
Աստղիկ Ալեքսանյանը և «Ալեքս տեքստիլ» ընկերությունը դիմել են ՄՊՀ-ին ընդունելով խախտում կատարելու փաստն ու խնդրելով իրականացնել արագացված վարույթ։
Հանձնաժողովը գործարքը համարել է չհայտարարագրված համակենտրոնացում և տուգանել Ալեքս Տեքստիլ ընկերությանը 500 հազար դրամով, նույնքան տուգանք է նշանակվել նաև Սամվել Ալեքսանյանի դստերը՝ Աստղիկ Ալեքսանյանին։
Անժելա Պողոսյան
