07.10.2026 | 17:17
Ռուբիոն հայտարարել է, որ Իրանը «լիովին կորցրել է վերահսկողությունը» Հորմուզի նեղուցի նկատմամբ
Ռուսաստանցի ընդդիմադիր գործիչ Կարա-Մուրզան նույնպես ազատ է արձակվել ՌԴ-ԱՄՆ բանտարկյալների փոխանակման շրջանակում․ Bloomberg
Քաղաքականություն
01.08.2024 | 17:07
Ռուսաստանցի ընդդիմադիր գործիչ Վլադիմիր Կարա-Մուրզան ազատ է արձակվում The Wall Street Journal-ի թղթակից Էվան Գերշկովիչի և նախկին ծովային հետևակային Փոլ Ուիլանի հետ բանտարկյալների մեծ փոխանակման շրջանակում, գրում է Bloomberg-ը՝ վկայակոչելով եվրոպացի անանուն պաշտոնյային։
Կարա-Մուրզայի ազատ արձակման մասին տեղեկությունն ավելացվել է հոդվածի հրապարակումից հետո, որտեղ խոսվում էր Գերշկովիչի և Ուիլանի՝ ԱՄՆ վերադարձի մասին։
Վլադիմիր Կարա-Մուրզան, որը դատապարտվել էր 25 տարվա ազատազրկման խիստ ռեժիմի գաղութում դավաճանության, «անցանկալի կազմակերպության» գործունեությանը մասնակցելու և բանակի մասին «կեղծիքներ» տարածելու մեղադրանքով, պատիժը կրել է Օմսկի գաղութում։
Քաղաքական մեղադրանքներով դատապարտված բանտարկյալներին սկսել են տանել ազատազրկման վայրերից։ Ավելի վաղ հայտնի էր դարձել Իլյա Յաշինի, Նավալնիի շտաբի ղեկավարներ Լիլիա Չանիշևայի և Քսենիա Ֆադեևայի, «Մեմորիալի» համանախագահ Օլեգ Օրլովի և այլոց տեղափոխման մասին։
