23.06.2026 | 14:53
Բաքուն ԱՄՆ Կոնգրեսում Հայաստանի կողմից, իբր, «ադրբեջանցիների էթնիկ զտումների» մասին համաժողով է նախաձեռնել
ՌԴ-ն սպառնում է Ճապոնիային Ուկրաինային հրթիռներ փոխանցելու համար
Քաղաքականություն
01.08.2024 | 20:32
Մոսկվան հայտարարել է, որ Տոկիոյին ՌԴ-ի հանդեպ թշնամաբար տրամադրված կհամարի, եթե ճապոնական PAC-3 հրթիռները փոխանցվեն Ուկրաինային։ Այս մասին հայտարարել է ՌԴ ԱԳՆ ներկայացուցիչ Անդրեյ Նաստասինը, գրում է NHK-ն։
Ռուսաստանի Դաշնությունն այսպես է արձագանքել Ճապոնիայի և ԱՄՆ-ի միջև «Patriot» համակարգերի համար հրթիռներ փոխանցելու մասին համաձայնագրին։
Մոսկվան Տոկիոյի գործողությունները կդիտարկի որպես «թշնամական վերաբերմունք» Ռուսաստանի նկատմամբ, եթե ճապոնական հրթիռները փոխանցվեն ուկրաինական բանակին։
Նաստասինը հավելել է, որ Ռուսաստանն իրեն իրավունք է վերապահում «վճռական հակաքայլեր» իրականացնել, մասնավորապես, Ճապոնիայի հետ երկկողմ հարաբերությունների համատեքստում։ Նա, սակայն, չի հստակեցրել, թե կոնկրետ ինչ միջոցներ կարող է ձեռնարկել ռուսական կողմը։
Հավելենք, որ ռազմական տեխնիկայի արտահանման կանոնների թուլացումից հետո առաջին անգամ Ճապոնիան ԱՄՆ-ին կփոխանցի հայրենական արտադրության PAC-3 հրթիռներ Patriot հակաօդային պաշտպանության համակարգի համար։
