05.04.2026 | 18:49
Հունգարիա գնացող գազատարի մոտ պայթուցիկ է հայտնաբերվել․ Վուչիչ
Իրանը կհանդիպի Լիբանանում, Իրաքում ու Եմենում իր դաշնակիցների հետ՝ քննարկելու Իսրայելի դեմ պատասխան գործողությունները
Քաղաքականություն
01.08.2024 | 17:03
Իրանցի բարձրաստիճան պաշտոնյաները հինգշաբթի կհանդիպեն Թեհրանի տարածաշրջանային դաշնակիցների ներկայացուցիչների հետ Լիբանանից, Իրաքից և Եմենից՝ քննարկելու Իսրայելի դեմ հնարավոր պատասխան գործողությունները ՀԱՄԱՍ-ի առաջնորդի սպանությունից հետո։ Այս մասին Reuters-ին հայտնել են հինգ աղբյուրներ, փոխանցում է France 24-ը։
Նշվում է, որ Թեհրանում Իսմայիլ Հանիեի սպանությունից և Լիբանանի մայրաքաղաք Բեյրութի արվարձաններում իսրայելական հարձակման ժամանակ «Հըզբոլլահ»-ի ավագ հրամանատարի սպանությունից հետո տարածաշրջանը կանգնած է Իսրայելի, Իրանի և նրա դաշնակիցների միջև ընդարձակ հակամարտության վտանգի առաջ:
Լրատվամիջոցին աղբյուրները անանունության պայմանով ասել են, որ Իրանի պաղեստինյան դաշնակից ՀԱՄԱՍ-ի և «Իսլամական ջիհադ»-ի, ինչպես նաև Եմենի Հութիների շարժման, Լիբանանի «Հըզբոլլահ»-ի և Իրաքի դիմադրության խմբերի ներկայացուցիչները կմասնակցեն Թեհրանում կայանալիք հանդիպմանը:
