24.01.2026 | 19:00
Վախենում եմ նախիրային բնազդից, նախիրն ամեն ինչի ընդունակ է… պետք է դիմանալ ու դիմադրել. Հախվերդյան․ ՏԵՍԱՆՅՈՒԹ
Հաքան Ֆիդանը արձագանքել է Թուրքիային ՆԱՏՕ-ից հեռացնելու Իսրայելի ԱԳՆ կոչին
Քաղաքականություն
01.08.2024 | 16:18
Թուրքիայի անդամակցությունը ՆԱՏՕ-ին չի կարող կասկածի տակ դրվել։ Այս մասին ասել է Թուրքիայի ԱԳ նախարար Հաքան Ֆիդանը՝ արձագանքելով ՆԱՏՕ-ից Անկարային հեռացնելու մասին Իսրայելի ԱԳՆ-ի հայտարարությանը։
«Դրանից բան դուրս չի գա։ Թուրքիայի անդամակցությունը ՆԱՏՕ-ին չի կարող կասկածի տակ դրվել նման հավասարության մեջ։ Ավելին, Իսրայել-Պաղեստինի հարցում Թուրքիան միակ երկիր չէ արևմտյան առանցքում։ Կան այլ երկրներ, որոնք դիրքորոշում ունեն Իսրայելի դեմ, սակայն նրանց ձայնի տոնայնությունը կարող է տարբեր լինել: Պաղեստինի պետության ճանաչման համատեքստում իրենց դիրքորոշումը պաշտոնապես հայտարարել են Իսպանիան, Իռլանդիան, Նորվեգիան»,- ասել է Ֆիդանը թուրքական Sabah-ին տված հարցազրույցում։
Ավելի վաղ Իսրայելի արտաքին գործերի նախարար Իսրայել Կացը ՆԱՏՕ-ին հորդորել էր Թուրքիային հեռացնել դաշինքից այն բանից հետո, երբ այդ երկրի նախագահ Ռեջեփ Թայիփ Էրդողանը սպառնացել էր ներխուժմամբ։
«Թուրքիայի նախագահ Էրդողանի՝ Իսրայել ներխուժելու սպառնալիքների և նրա վտանգավոր հռետորաբանության լույսի ներքո արտգործնախարար Իսրայել Կացը դիվանագետներին հանձնարարել է շտապ համագործակցել ՆԱՏՕ-ի բոլոր անդամների հետ՝ կոչ անելով դատապարտել Թուրքիային և պահանջել նրան հեռացնել դաշինքից»,- ասվում էր նախարարի հայտարարության մեջ։
Մինչ այդ, Էրդողանը հայտարարել էր Իսրայել հնարավոր ներխուժման մասին։
«Ինչպես մտանք Ղարաբաղ ու Լիբիա, նույն բանը կանենք նրանց հետ։ Պատճառ չկա չանելու։ Միայն պետք է ուժեղ լինենք, որ կարողանանք այդ քայլերն անել»,- ասել էր նա Ռիզեում իր ղեկավարած «Արդարություն և զարգացում» կուսակցության անդամների հետ հանդիպմանը։
Իսրայել Կացն էլ, պատասխանելով Էրդողանի սպառնալիքներին, նշել էր, որ Թուրքիայի նախագահը գնում է Իրաքի նախկին նախագահ Սադամ Հուսեյնի ճանապարհով։
Էմմա Չոբանյան
