23.06.2026 | 11:45
Ծեծկռտուք ավագանու նիստում․ ՏԵՍԱՆՅՈՒԹ
Իսրայելը հայտնել է ՀԱՄԱՍ-ի ռազմական թևի առաջնորդի ոչնչացման մասին
Քաղաքականություն
01.08.2024 | 13:53
Իսրայելի պաշտպանության բանակը (IDF) իր Telegram ալիքում հայտնել է, որ հուլիսի 13-ին Խան Յունիսում սպանվել է ՀԱՄԱՍ-ի ռազմական թևի առաջնորդ Մուհամմեդ Դեյֆին։
«Իսրայելի պաշտպանության բանակը հայտնում է, որ 2024 թվականի հուլիսի 13-ին Իսրայելի պաշտպանության բանակի կործանիչները հարվածներ են հասցրել Խան Յունիսի շրջանում, և իրավիճակի հետախուզական գնահատումից հետո հաստատվել է, որ հարվածի ժամանակ սպանվել է Մուհամմեդ Դեյֆը»,- ասված է բանակի հայտարարության մեջ։
Հիշեցնենք, որ ավելի վաղ ՀԱՄԱՍ-ը հաղորդել էր շարժման քաղբյուրոյի ղեկավար Իսմայիլ Հանիե սպանության մասին։ Ըստ այդ տեղեկությունների՝ Հանիեն զոհվել է Թեհրանում իր նստավայրին իսրայելական հարվածի հետևանքով, ուր նա ժամանել էր՝ մասնակցելու Իրանի նոր նախագահի երդմնակալության արարողությանը:
Շարժումը Հանիեի մահվան համար մեղադրել է Իսրայելին և ԱՄՆ-ին՝ հայտարարելով, որ դա անպատասխան չի մնա:
