20.07.2026 | 23:24
Հայաստանը կունենա լեզվական պետական քաղաքականության նոր հիմնադրույթներ
ՌԴ-ում YouTube-ի օգտատերերը հայտնել են տեսանյութերի բեռնման խնդիրների մասին
Քաղաքականություն
01.08.2024 | 15:35
Օգոստոսի 1-ի գիշերը Ռուսաստանի տարբեր շրջանների օգտատերեր հայտնել են YouTube վիդեոհոսթինգ ծառայության հետ կապված խնդիրների մասին։ Meduza-ի փոխանցմամբ, այս մասին են վկայում «Sboy.rf», «Downdetector» և «Brand Analytics» ծառայությունների տվյալները:
Օգտատերերը հայտնել են բրաուզերի և բջջային հավելվածների հետ կապված խնդիրների մասին: Բողոքներ կան նաև այլ երկրներում YouTube-ի հետ կապված խնդիրների վերաբերյալ։
Լրագրող Ալեքսանդր Պլյուշչևը հայտնել է, որ YouTube-ի չաշխատելու մասին հաղորդագրություններ է ստացել Եկատերինբուրգի, Նովոսիբիրսկի, Կազանի, Կալուգայի, Ուֆայի, Սանկտ Պետերբուրգի, Մոսկվայի և Լենինգրադի մարզերի, Կրասնոյարսկի, Մուրմանսկի, Չելյաբինսկի իր բաժանորդներից։
Esher II Telegram ալիքի հեղինակ Ֆիլիպ Կուլինը էլ «Ագենստվո»-ին պատմել է, որ սկսել է բողոքներ ստանալ YouTube-ի հետ կապված խնդիրների մասին գիշերվա ժամը 2-ից:
YouTube-ին հասանելիություն կա, բայց տեսանյութերը չի բեռնվում, նշում է vc.ru-ն։ Mash Telegram ալիքը գրում է, որ կայքի դեսկթոփային տարբերակում տեսանյութերը չեն բեռնվում կամ ցուցադրվում են 144p որակով։
«Ռոստելեկոմը» հուլիսի կեսերին նախազգուշացրել էր, որ YouTube-ը կարող է խափանումներ ունենալ «Google-ի սարքավորումների հետ կապված տեխնիկական խնդիրների» պատճառով։ Սակայն հեռահաղորդակցության ոլորտում Meduza-ի աղբյուրները պնդում են, որ Ռոսկոմնադզորը սկսել է դանդաղեցնել վիդեոհոսթինգի աշխատանքը:
