07.10.2026 | 23:48
Արթուր Դանիելյանը կալանավորվեց
Ռուս ընդդիմադիր գործիչ Իլյա Պոնոմարյովը հայտնել է իր դեմ մահափորձի մասին
Քաղաքականություն
01.08.2024 | 13:33
Ուկրաինայում բնակվող ռուս ընդդիմադիր գործիչ Իլյա Պոնոմարյովը հայտնել է, որ փրկվել է մահափորձից, փոխանցում է Current Time-ը։
«Այսօր, կարծես, իմ երկրորդ ծննդյան օրն է։ Հինգերորդ հարձակման փորձն ամենաանսովորն էր և ամենահաջողվածը, որից դժվար էր պաշտպանվել»,- գրել է Պոնոմարյովը՝ հավելելով, որ մանրամասներն ավելի ուշ կհայտնի:
OBOZ.UA լրատվականը, հղում անելով իր աղբյուրներին, գրում է, որ նա բազմաթիվ բեկորային վնասվածքներ է ստացել Կիևի մերձակայքում գտնվող իր տանը՝ ռուսական հարձակողական անօդաչու կամիկաձեի հարվածի հետևանքով։ Ըստ աղբյուրի՝ հուլիսի 31-ին երեք անօդաչու թռչող սարքեր հասել են Իլյա Պոնոմարյովի տան տարածք։
OBOZ.UA-ի զրուցակիցներն այն ժամանակ եկել էին եզրակացության, որ Պոնոմարյովի տունը չի եղել թիրախը, սակայն այսօրվա գիշերային հարձակումը ցույց է տվել, որ «թիրախը եղել է ռուս ընդդիմադիրը»։ Նշվում է, որ այժմ նա գտնվում է ապահով վայրում։
Իլյա Պոնոմարյովը ՌԴ Պետդումայի պատգամավոր էր «Արդար Ռուսաստան» խմբակցությունից։ 2014 թվականին նա դարձել է միակ ռուս պատգամավորը, որը դեմ է քվեարկել Ղրիմի բռնակցմանը և շուտով լքել է Ռուսաստանի Դաշնությունը։ 2019 թվականին Պոնոմարյովը հայտնել է Ուկրաինայի քաղաքացիություն ստանալու մասին։
Ռուսական զորքերի կողմից Ուկրաինա լայնամասշտաբ ներխուժումն սկսելուց հետո Պոնոմարյովը հայտարարել է «ռուսական զինված ընդդիմության» կենտրոնի ստեղծման մասին։
