27.12.2025 | 19:00
32 անշարժ գույք և 312 մլն դրամ եկամուտ․ ինչ է հայտարարագրել Հայկ Մարությանը
Իրանի հոգևոր առաջնորդը հրամայել է ուղիղ հարված հասցնել Իսրայելին. The New York Times
Քաղաքականություն
01.08.2024 | 12:34
Իրանի գերագույն հոգևոր առաջնորդ այաթոլլա Ալի Խամենեին հրաման է արձակել ուղիղ հարված հասցնել Իսրայելին՝ ի պատասխան Թեհրանում ՀԱՄԱՍ-ի առաջնորդ Իսմայիլ Հանիեի սպանության։ Այս մասին հայտնում է The New York Times-ը՝ վկայակոչելով հրամանին ծանոթ երեք իրանցի պաշտոնյաների։
Խամենեին հրաման է տվել չորեքշաբթի առավոտյան Իրանի Ազգային անվտանգության բարձրագույն խորհրդի արտակարգ նիստի ժամանակ, անմիջապես այն բանից հետո, երբ Իրանը հայտարարեց, որ Հանիեն սպանվել է: Այս մասին ասել են իրանցի երեք պաշտոնյաներ, այդ թվում՝ Հեղափոխության պահապանների կորպուսի երկու անդամներ, որոնք խնդրել են չհրապարակել իրենց անունները։
Իրանն ու ՀԱՄԱՍ-ը Հանիեի սպանության համար մեղադրում են Իսրայելին, որը ո՛չ ընդունում, ո՛չ էլ հերքում է դա։
Առայժմ պարզ չէ, թե որքան վճռականորեն կպատասխանի Իրանը, և արդյո՞ք կրկին կչափավորի իր հարձակումը՝ էսկալացիայից խուսափելու համար: Իրանցի պաշտոնյաներն ասել են, որ իրանական զինվորական հրամանատարները դիտարկում են անօդաչու թռչող սարքերով և հրթիռներով մեկ այլ հարձակում Թել Ավիվի և Հայֆայի տարածքում գտնվող ռազմական օբյեկտների վրա, սակայն կփորձեն խուսափել քաղաքացիական օբյեկտների թիրախավորումից։ Նրանք նշել են, որ առավելագույն արդյունքի հասնելու համար դիտարկվող տարբերակներից մեկը համակարգված հարձակումն է Իրանից և այլ ճակատներից, որտեղ Թեհրանն ունի դաշնակից ուժեր, ներառյալ՝ Եմենը, Սիրիան և Իրաքը:
