16.03.2026 | 10:53
Սյունիքի նախկին մարզպետը դատի է տվել ՔՊ-ական Արմեն Խաչատրյանին` ֆեյսբուքյան գրառման համար․ նա 1 մլն դրամ է պահանջում
Թուրքիայի ԱԳ նախարարը հայտնել է Հայաստանի հետ սահմանը բացելու նախապայմանը
Քաղաքականություն
01.08.2024 | 11:29
Թուրքիայի ԱԳ նախարար Հաքան Ֆիդանը թուրքական Sabah-ին տված հարցազրույցում անդրադարձել է նաև Հայաստանի հետ հարաբերությունների կարգավորման գործընթացին՝ խոսելով սահմանների բացման՝ Անկարայի պայմանից։
«Ադրբեջանի և Հայաստանի միջև բանակցային գործընթացը շարունակվում է։ Մենք պետք է պատրաստենք մեր սցենարը դրական ավարտի դեպքում։ Ընթացիկ գործունեությունն այդ ուղղությամբ է։ Եթե այն ավարտվի, մենք կակտիվացնենք դրական սցենարը։ Այսպիսով, մենք կարող ենք բացել մեր սահմանային դարպասները»,- ասել է Ֆիդանը։
Հիշեցնենք, որ հուլիսի 30-ին հայ-թուրքական սահմանին տեղի է ունեցել Հայաստանի ու Թուրքիայի կարգավորման գործընթացի հատուկ ներկայացուցիչներ Ռուբեն Ռուբինյանի և Սերդար Քըլըչի հանդիպումը։ Հաղորդվել էր, որ կողմերը կրկին ընդգծել են իրենց հանձնառությունը՝ շարունակելու կարգավորման գործընթացը առանց որևէ նախապայմանի՝ երկու երկրների միջև լիարժեք կարգավորման վերջնական նպատակին հասնելու համար։
