09.09.2026 | 16:01
Վահե Ղալումյանը՝ ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի փոխնախագահ
Հայաստան-Թուրքիա հարաբերությունների կարգավորումը, հաղորդակցությունների վերաբացումը կարևոր են ավելի կայուն Հարավային Կովկասի համար․ Տոյվո Կլաար
Քաղաքականություն
31.07.2024 | 13:19
Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարն անդրադարձել է հայ-թուրքական հարաբերությունների կարգավորման հարցով Հայաստանի և Թուրքիայի հատուկ ներկայացուցիչներ Ռուբեն Ռուբինյանի ու Սերդար Քըլըչի նախօրեի հանդիպմանը։
«Երեկ կարևոր հանդիպում է տեղի ունեցել Հայաստան-Թուրքիա սահմանին Սերդար Քըլըչի ու Ռուբեն Ռուբինյանի միջև։ Թուրքիայի ու Հայաստանի միջև հարաբերությունների կարգավորումը և հաղորդակցությունների վերաբացումն էական տարրեր են ավելի կայուն և բարգավաճ Հարավային Կովկասի համար»,- գրել է Կլաարը X-ի իր միկրոբլոգում։
Հիշեցնենք, որ ԵՄ խորհուրդը Հարավային Կովկասի և Վրաստանում ճգնաժամի հարցերով նոր ներկայացուցիչ է նշանակել Մագդալենա Գրոնոյին: Նա իր պարտականությունների կատարմանը կանցնի 2024 թվականի սեպտեմբերի 1-ից՝ 12 ամիս սկզբնական ժամկետով:
