11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
Իրանի նախագահը հայտարարել է, որ Հանիեի մահվան մեղավորներին կստիպի զղջալ
Քաղաքականություն
31.07.2024 | 13:27
Իրանի նորընտիր նախագահ Մասուդ Փեզեշքիանը հայտարարել է, որ Թեհրանը կստիպի զղջալ «ահաբեկիչ-օկուպանտներին», որոնք սպանել են պաղեստինյան ՀԱՄԱՍ շարժման քաղբյուրոյի ղեկավար Իսմայիլ Հանիեին։ Այս մասին գրում է իրանական Tasnim-ը։
«Իրանի Իսլամական Հանրապետությունը պաշտպանելու է իր տարածքային ամբողջականությունը, արժանապատվությունն ու պատիվը՝ ստիպելով ահաբեկիչներին զղջալ իրենց վախկոտ արարքի համար»,- հայտարարել է Փեզեշքիանը։
Հիշեցնենք՝ պաղեստինյան ՀԱՄԱՍ շարժումը և Իսլամական հեղափոխության պահապանների կորպուսը հայտնել են Իրանի մայրաքաղաքում իսրայելական հարվածի հետևանքով Հանիեի մահվան մասին։ Ըստ այդ տեղեկությունների՝ ՀԱՄԱՍ-ի քաղբյուրոյի ղեկավարը սպանվել է իսրայելական հարձակման հետևանքով Իրանի նոր նախագահի երդմնակալության արարողությանը մասնակցելուց հետո։
