01.11.2024 | 14:18
Նոյեմբերի առաջին տասնօրյակը տաք է, երրորդ տասնօրյակի միջին ջերմաստիճանը բացասական է
Իսրայելը փակել է օդային տարածքը երկրի հյուսիսում
Քաղաքականություն
31.07.2024 | 13:36
Իսրայելի իշխանությունները մեկ օրով փակել են երկրի հյուսիսի մեծ մասի օդային տարածքը քաղաքացիական ավիացիայի թռիչքների համար: Այս մասին ասվում է NOTAM-ի (ծանուցում թռիչքի անձնակազմին) պաշտոնական հաղորդագրության մեջ, գրում է ՌԻԱ Նովոստին։
Որոշումն ընդունվել է Բեյրութում լիբանանյան «Հըզբոլլահ» շարժման հրամանատարներից Ֆուադ Շուքրի դեմ մահափորձից և Թեհրանում պաղեստինյան ՀԱՄԱՍ շարժման քաղբյուրոյի ղեկավար Իսմայիլ Հանիեի սպանությունից հետո։
«Հադերայի և Տիրաթի դիրքերի միջև ընկած հատվածը փակ է բոլոր թռիչքների համար, ներառյալ՝ գյուղատնտեսական նշանակության։ Բացառություն են ոստիկանության, հրշեջների, բժշկական տարհանման, ռազմակայաններ և հակառակ ուղղությամբ թռիչքները»,- ասվում է ծանուցումներից մեկում:
Սրա հետ մեկտեղ, իսրայելացի զինվորականները չեն փոխել բնակչության քաղաքացիական պաշտպանության հրահանգները վերջին իրադարձությունների լույսի ներքո, սակայն հորդորել են նրանց հետևել հնարավոր ճշգրտումներին:
