11.01.2025 | 20:13
Կրակը Գլենդելից հեռու է. քաղաքապետը մանրամասներ է ներկայացրել
Բեյրութում իսրայելական հարվածների հետևանքով զոհեր և տասնյակ վիրավորներ կան
Քաղաքականություն
31.07.2024 | 11:17
Բեյրութի հարավային արվարձաններին իսրայելական հարվածի հետևանքով զոհվել է առնվազն երեք մարդ։ DW-ի փոխանցմամբ՝ այս մասին հայտնել է Լիբանանի առողջապահության նախարարությունը։ Եվս 74 մարդ վիրավորվել է։
«Փլատակների տակ անհայտ կորածների որոնումները շարունակվում են»,- հավելել են նախարարությունից։
Ավելի վաղ Իսրայելի Պաշտպանության բանակը (IDF) հաղորդել էր, որ թիրախավորել է լիբանանյան արմատական շիական «Հըզբոլլահ» շարժման հրամանատարին, որը, ըստ Իսրայելի, պատասխանատու է մի քանի օր առաջ Գոլանի բարձունքների գնդակոծման համար, որի հետևանքով զոհվել էր 12 մարդ։
The Times of Israel-ը հայտնում է, որ հարձակման թիրախը եղել է ահաբեկչական խմբավորման առաջնորդ Հասան Նասրալլայի ավագ խորհրդական Ֆուադ Շուքրը, որը հայտնի է նաև որպես Հաջ Մոհսին։ Իսրայելի պաշտպանության բանակը նրան համարում է «Հըզբոլլահ»-ի համար բարձր ճշգրտության հրթիռներ ստեղծելու նախագծի ղեկավար։
Ըստ աղբյուրների՝ հարվածի հետևանքով կարող էին զոհվել խմբավորման երկու հրամանատարներ։
