07.10.2026 | 14:29
Սեպտեմբերին Հայաստան է այցելել 290 հազար զբոսաշրջիկ․ Պապոյան
ՀԱՄԱՍ-ը հայտարարել է, որ Իսրայելը կվճարի Հանիեի սպանության համար
Քաղաքականություն
31.07.2024 | 11:38
Պաղեստինյան ՀԱՄԱՍ խմբավորման քաղբյուրոյի ղեկավար Իսմայիլ Հանիեի սպանությունը չի ազդի շարժման ղեկավարության քաղաքականության վրա, խմբավորումը կպատասխանի Իսրայելին այդ գործողության համար։ Այս մասին ՌԻԱ Նովոստիին ասել է Ալժիրում ՀԱՄԱՍ-ի ներկայացուցիչ Յուսեֆ Համդանը։
«Իրանի նախագահի երդմնակալությանը մասնակցելուց հետո Իսմայիլ Հանիեի մահը չի ազդի ղեկավարության (ՀԱՄԱՍ) և նրա կառույցների որոշումների վրա, Իսրայելը կվճարի այս հանցագործության և մեր ժողովրդի դեմ կատարած բոլոր հանցագործությունների համար»,- ասել է Համդան։
Հիշեցնենք՝ պաղեստինյան ՀԱՄԱՍ շարժումը և Իսլամական հեղափոխության պահապանների կորպուսը հայտնել են Իրանի մայրաքաղաքում իսրայելական հարվածի հետևանքով Հանիեի մահվան մասին։ Ըստ այդ տեղեկությունների՝ ՀԱՄԱՍ-ի քաղբյուրոյի ղեկավարը սպանվել է իսրայելական հարձակման հետևանքով Իրանի նոր նախագահի երդմնակալության արարողությանը մասնակցելուց հետո։
