09.09.2026 | 14:41
Իսրայելը կփակի Մեծ Բրիտանիայի հյուպատոսությունը Երուսաղեմում՝ ի պատասխան Լոնդոնի պատժամիջոցների
Կիևի իշխանությունները հայտնում են տարեսկզբից ի վեր «Շահեդ»-ների ամենազանգվածային գրոհի մասին
Քաղաքականություն
31.07.2024 | 12:09
Կիևի իշխանությունները հայտնում են տարեսկզբից ի վեր «Շահեդ»-ների ամենազանգվածային գրոհի մասին: Ուկրաինայի մայրաքաղաքում օդային հարձակման տագնապը տևել է ավելի քան յոթ ժամ։ Կիևի տարածաշրջանային ռազմական վարչակազմի տվյալներով՝ Կիևում և դրա մերձակայքում ավելի քան 30 անօդաչու թռչող սարք է խոցվել, փոխանցում է Current Time-ը։
«Ագրեսորի հիմնական թիրախը եղել է Կիևը, որն իր տասնյակ անօդաչու թռչող սարքերն ուղարկել է Ուկրաինայի մայրաքաղաք՝ խաղաղ քաղաքի վրա։ Սա արդեն յոթերորդ հարձակումն էր հուլիսին Կիևի վրա հակառակորդի անօդաչու թռչող սարքերի կողմից։ Այն մայրաքաղաքի համար դարձել է ամենազանգվածայինը 2024 թվականին օգտագործված անօդաչու թռչող սարքերի քանակով»,- հաղորդել է Կիևի քաղաքային ռազմական վարչության ղեկավար Սերգեյ Պոպկոն։
Ըստ նրա՝ ռուսական անօդաչու թռչող սարքերը մոտեցել են Կիևին «ալիքներով և գրեթե բոլոր հնարավոր ուղղություններից»։
Մայրաքաղաքում, բարեբախտաբար, զոհեր և ավերածություններ չկան, պարզաբանել է ռազմական վարչակազմի ղեկավարը։
Կիևի վրա վերջին լայնածավալ հարձակումը տեղի է ունեցել հուլիսի 8-ին։ Այն ժամանակ մայրաքաղաքի Շևչենկոյի շրջանում ավերվել է երկրի ամենամեծ մանկական «Օխմատդիտ» հիվանդանոցը, հարձակման են ենթարկվել նաև մասնավոր ծննդատունը և քաղաքացիական այլ հաստատություններ։
