23.06.2026 | 13:23
Փամբակի զորամասում վարժանքների ժամանակ վնասվածք ստացած զինծառայողը վիրահատվել է․ ՊՆ
Անկարան դատապարտում, Մոսկվան՝ «անընդունելի» է համարում ՀԱՄԱՍ-ի քաղբյուրոյի ղեկավարի սպանությունը
Քաղաքականություն
31.07.2024 | 13:58
Անկարան դատապարտում է Թեհրանում պաղեստինյան ՀԱՄԱՍ-ի քաղաքական բյուրոյի ղեկավար Իսմայիլ Հանիեի սպանությունը։ Այս մասին ասվում է Թուրքիայի ԱԳՆ-ի տարածած հայտարարության մեջ։
«Մենք դատապարտում ենք ՀԱՄԱՍ-ի քաղբյուրոյի ղեկավար Իսմայիլ Հանիեի սպանությունը Թեհրանում ստոր հարձակման արդյունքում: Մեր ցավակցությունն ենք հայտնում Պաղեստինի ժողովրդին, որը Հանիեի նման հարյուր հազարավոր նահատակների է զոհաբերել, որպեսզի նրանք կարողանան խաղաղ ապրել իրենց հայրենիքում՝ իրենց պետության հարկի տակ»,- ասվում է հայտարարության մեջ։
Նշվում է, որ հերթական անգամ պարզ է դարձել, որ Իսրայելի վարչապետ Բենիամին Նեթանյահուի կառավարությունը մտադիր չէ հասնել խաղաղության։
«Այս հարձակումն ուղղված է նրան, որ Գազայի հատվածում պատերազմը տարածվի տարածաշրջանում։ Եթե միջազգային հանրությունը քայլեր չձեռնարկի Իսրայելին կանգնեցնելու համար, մեր տարածաշրջանը կբախվի ավելի լուրջ հակամարտությունների»,- ընդգծում է Թուրքիայի ԱԳՆ-ն։
Մոսկվան իր հերթին ՀԱՄԱՍ-ի քաղբյուրոյի ղեկավար Իսմայիլ Հանիեի մահը համարվում է բացարձակապես «անընդունելի քաղաքական սպանություն», որը սպառնում է տարածաշրջանում հետագա էսկալացիայով։ Այս մասին ՌԻԱ Նովոստիին ասել է ՌԴ ԱԳ փոխնախարար Միխայիլ Բոգդանովը։
«Դա բացարաձակ անընդունելի քաղաքական սպանություն է և կհանգեցնի լարվածության հետագա սրման»,- ասել է նա։
