09.09.2026 | 11:48
ԱՄՆ-ն հայտնել է իրանական 5 լցանավերի ոչնչացման մասին․ Թեհրանը թիրախավորել է Հորդանանում ամերիկյան ռազմաբազան
Իրավիճակը Սև ծովում շարունակում է մնալ կայուն՝ չնայած երեք ռուսական սուզանավերի տեղակայմանը․ Ուկրաինայի ՌԾՈՒ խոսնակ
Քաղաքականություն
30.07.2024 | 17:10
Իրավիճակը Սև ծովում շարունակում է մնալ կայուն՝ չնայած երեք ռուսական սուզանավերի տեղակայմանը։ Korrespondent-ի փոխանցմամբ՝ այս մասին հայտարարել է Ուկրաինայի ռազմածովային ուժերի խոսնակ Դմիտրի Պլետենչուկը՝ հավելելով, որ իրադրությունը մնում է անփոփոխ։
«Ներկայում այնտեղ կան երեք սուզանավեր, կարծես թե վարժանքներ են։ Բայց դրանք հաճախ ավարտվում են գործնական կրակոցներով, հետևաբար, այդ սուզանավերից վտանգ կա, և մենք դա ակնկալում ենք»,- նշել է նա։
Ըստ պաշտոնյայի՝ Ազովի ծովում ռուսական նավեր դեռևս չկան, դրանք իրենց բազաներում են։
Պլետնեչուկի խոսքով՝ Կովկաս նավահանգստում «Սլավյանին» լաստանավի խոցումից և ռուսների լոգիստիկ հնարավորություննրի վատթարացումից հետո ռուսները, ամենայն հավանականությամբ, կփորձեն մեծացնել Ղրիմի կամրջի վրա ծանրաբեռնումը։
«Տեսականորեն նրանք կարող են փորձել ինչ-որ բան ներգրավել այլ աղբյուրներից, բայց մինչ այժմ այդ մասին տեղեկություններ չկան, նրանք դեռ որոշ ժամանակ կօգտագործեն ավելի վաղ բերված պաշարները և կփորձեն մեծացնել կամրջի ծանրաբեռնվածությունը, բայց լրիվ փոխարինումը դեռևս տեսանելի չէ»,- բացատրել է ռազմածովային ուժերի խոսնակը։
