07.10.2026 | 16:04
Ադրբեջանն Ուկրաինային հերթական մարդասիրական օգնությունն է ուղարկել
Վենեսուելայում բողոքի ցույցերի մասնակիցներ են ձերբակալվել
Քաղաքականություն
30.07.2024 | 13:51
Վենեսուելայում բողոքի ցույցերի ընթացքում առնվազն 15 մարդ է ձերբակալվել վանդալիզմի և ապակայունացնող գործողություններ կատարելու համար, X-ում հայտնել է երկրի գլխավոր դատախազ Թարեկ Ուիլյամ Սաաբը։
«Այդ գործողություններն ազդել են Վենեսուելայի Միացյալ սոցիալիստական կուսակցության շտաբի վրա, որը գտնվում է Էլ Թիգրում՝ Սիմոն Ռոդրիգեսի մունիցիպալիտետում»,- գրել է նա։
Գլխավոր դատախազը պարզաբանել է, որ 9 հոգի, այդ թվում՝ 15-ամյա դեռահաս, բերման են ենթարկվել «վանդալիզմի գործողություններ կատարելու և կուսակցության շտաբները հրկիզելու համար», երբ մարդիկ այնտեղ են եղել։ Ավելի ուշ Սաաբը հայտնել է նաև, որ ձերբակալվել է ևս վեց մարդ, որոնցից երեքը ղեկավարում էին բողոքի ցույցերը, իբր, «իրավիճակը ապակայունացնելու նպատակով»։
Վենեսուելայում հուլիսի 28-ին տեղի են ունեցել նախագահական ընտրություններ, որոնցում իրեն հաղթող է հռչակել երկրի գործող ղեկավար Նիկոլաս Մադուրոն։ Արդյունքում հարյուր հազարավոր ընդդիմադիրներ դուրս են եկել փողոց՝ իրենց բողոքն արտահայտնելու, բախումներ են գրանցվում ոստիկանների և ցուցարարների միջև: Ոստիկանությունը ռետինե փամփուշտներ ու արցունքաբեր գազ է կիրառել։
