16.03.2026 | 00:04
Ըմբիշ Սուրեն Աղաջանյանը դարձել է Եվրոպայի Մ-23 չեմպիոն․ ՏԵՍԱՆՅՈՒԹ
Իսրայելի ԱԳ նախարարը կոչ է անում Թուրքիային հեռացնել ՆԱՏՕ-ից
Քաղաքականություն
30.07.2024 | 13:29
Իսրայելի արտաքին գործերի նախարարը ՆԱՏՕ-ին հորդորել է Թուրքիային հեռացնել դաշինքից այն բանից հետո, երբ այդ երկրի նախագահ Ռեջեփ Թայիփ Էրդողանը սպառնացել է ներխուժմամբ, գրույմ է Reuters-ը։
«Թուրքիայի նախագահ Էրդողանի՝ Իսրայել ներխուժելու սպառնալիքների և նրա վտանգավոր հռետորաբանության լույսի ներքո արտգործնախարար Իսրայել Կացը դիվանագետներին հանձնարարել է շտապ համագործակցել ՆԱՏՕ-ի բոլոր անդամների հետ՝ կոչ անելով դատապարտել Թուրքիային և պահանջել նրան հեռացնել դաշինքից»,- ասվում է նախարարության հայտարարության մեջ։
Հիշեցնենք, որ Էրդողանը հայտարարել էր Իսրայել հնարավոր ներխուժման մասին։
«Ինչպես մտանք Ղարաբաղ ու Լիբիա, նույն բանը կանենք նրանց հետ։ Պատճառ չկա չանելու։ Միայն պետք է ուժեղ լինենք, որ կարողանանք այդ քայլերն անել»,- ասել էր նա Ռիզեում իր ղեկավարած «Արդարություն և զարգացում» կուսակցության անդամների հետ հանդիպմանը։
Իսրայելի ԱԳ նախարար Իսրայել Կացն էլ, պատասխանելով Էրդողանի սպառնալիքներին, նշել էր, որ Թուրքիայի նախագահը գնում է Իրաքի նախկին նախագահ Սադամ Հուսեյնի ճանապարհով։
«Էրդողանը գնում է Սադամ Հուսեյնի հետքերով և սպառնում է հարձակվել Իսրայելի վրա։ Պարզապես թող հիշի, թե ինչ կատարվեց այնտեղ և ինչպես ավարտվեց»,- գրել էր Կացը X-ում։
