22.11.2024 | 23:22
Կացնով կտրելու եմ․ Փաշինյանը՝ ծառայողական մեքենաների թվի կրճատման մասին․ ՏԵՍԱՆՅՈՒԹ
Ուկրաինայի ԶՈւ-ն հայտարարել է, որ հարվածներ է հասցրել Կուրսկի շրջանի չորս էլեկտրական ենթակայաններին
Քաղաքականություն
30.07.2024 | 11:45
Ուկրաինայի Զինված ուժերի Գլխավոր շտաբը հայտնել է, որ վերջին շրջանում ուկրաինական ուժերը հարվածներ են հասցրել Ռուսաստանի Կուրսկի շրջանի չորս էլեկտրական ենթակայաններին, փոխանցում է BBC-ի ռուսական ծառայությունը։
«Արդյունքում Կուրսկի շրջանի Պոնիրովսկի, Կուրսկ և Սոլնցևսկի շրջաններում էլեկտրամատակարարման ընդհատումներ են գրանցվում»,- պնդում են ուկրաինացի զինվորականները։
Գլխավոր շտաբի հաղորդագրությունում ասվում է, որ «ռուսական արդյունաբերությունը, որն աշխատում է Ուկրաինայի դեմ պատերազմի համար, օրինական թիրախ է ուկրաինական զորքերի համար»։
«Այս օբյեկտները, ի թիվս այլնի, ապահովում են ռուսական երկաթուղու գործունեությունը, որը զենք և զինտեխնիկա է տեղափոխում իր օկուպացիոն բանակին աջակցելու համար»,- գրում է Ուկրաինայի ԶՈՒ Գլխավոր շտաբը։
Երկուշաբթի երեկոյան Կուրսկի մարզի նահանգապետ Ալեքսեյ Սմիրնովը հայտնել էր, որ ռուսական հակաօդային պաշտպանությունը գիշերը ոչնչացրել է ուկրաինական 19 անօդաչու թռչող սարք վեց շրջաններում՝ Կուրսկի, Պրիստենսկի, Սոլնցևսկի, Զոլոտուխինսկի, Սուդժանսկի և Պոնիրովսկի շրջաններում:
Ընդ որում, ըստ Սմիրնովի, Սոլնցևսկի շրջանում «ԱԹՍ-ի բեկորները» վնասել են էլեկտրահաղորդման գծերը, ինչը հանգեցրել է էլեկտրաէներգիայի ժամանակավոր անջատումների։ Օրվա ընթացքում խոցվել է ևս ութ ուկրաինական անօդաչու թռչող սարք, հավելել է Սմիրնովը։
Ուկրաինայի ԶՈՒ Գլխավոր շտաբը չի հայտնում, թե կոնկրետ երբ են հասցվել ուկրաինական հարվածները։
