09.03.2026 | 23:38
Պուտինն ու Թրամփը հեռախոսազրույց են ունեցել
«Ելք» դաշինքի ծրագրով առաջարկվում էր Մարտի 1-ի, ՊՊԾ գնդի, Հոկտեմբերի 27-ի գործերով ստեղծել Ճշմարտության հանձնաժողով․ Էդմոն Մարուքյան․ ՏԵՍԱՆՅՈՒԹ
Քաղաքականություն
05.09.2018 | 15:29
Անցումային արդարադատությունը գործընթաց է, որի մեջ կարող է մտնել տարբեր մարմինների ստեղծումը, որպեսզի այդ գործընթացը առաջ տարվի, իսկ այս պահին ինձ հայտնի չէ որևէ նախաձեռնություն, թե անցումային արդարադատության անցման համար ի՞նչ մարմին պետք է ստեղծվի։
Այս մասին այսօր ասաց ԱԺ «Ելք» խմբակցության պատգամավոր Էդմոն Մարուքյանը։
Վերջինս նշեց, որ փոխարենը «Ելք» դաշինքի ծրագրում կար մի կետ, որտեղ նշված էր, որ Մարտի 1-ի, ՊՊԾ գնդի, Հոկտեմբերի 27-ի գործերով պետք է ստեղծել Ճշմարտության հանձնաժողով։
«Սա անցումային արդարադատության ինստիտուտների մի տարատեսակ է։ Սա է, որը մենք ժամանակին մտածել ենք, սակայն, ժամանակ չի եղել, որ քննարկենք։ Կարծում եմ, որ, երբ պահը գա և լինի նման առաջարկություն, լավագույն տարբերակը կարող է լինել Ճշմարտության հանձնաժողովի ստեղծումը»,- ասաց պատգամավորը։
Ըստ պատգամավորի՝ այդ հանձնաժողովը կարող է զբաղվել զոհերի իրավունքների վերականգնմամբ, հանրային համերաշխության հաստատմամբ, ճշմարտության բացահայտմամբ, որպեսզի այլևս դրա մասին չխոսենք, հասկանանք, որ զոհերի հարազատներին փոխհատուցում է տրվել, իսկ ոճրագործություն կատարողները պատասխան են տվել։
Մանրամասները՝ տեսանյութում։
