25.06.2026 | 20:13
Ընտրական ցենզ սահմանելու փոփոխություններն օրինական ու սահմանադրական չեն․ Արամ Վարդևանյան. ՏԵՍԱՆՅՈՒԹ
Մադուրոն վերընտրվել է Վենեսուելայի նախագահի պաշտոնում
Քաղաքականություն
29.07.2024 | 12:34
Վենեսուելայի ընտրական հանձնաժողովը հայտարարել է, որ գործող նախագահ Նիկոլաս Մադուրոն հաղթել է կիրակի կայացած նախագահական ընտրություններում։ Ընդդիմությունը, մինչդեռ, վստահ է, որ իրենց թեկնածու Էդմունդո Գոնսալեսը պետք է հաղթեր ընտրությունների արդյունքում։ Այս մասին էին վկայում նաև հարցման արդյունքները, գրում է BBC-ի ռուսական ծառայությունը։
Ազգային ընտրական խորհուրդը, որը վերահսկվում է Մադուրոյի և նրա ղեկավարած Վենեսուելայի Միացյալ սոցիալիստական կուսակցության կողմից, հայտարարել է, որ քվեաթերթիկների 80 տոկոսը մշակելուց հետո գործող նախագահը ստացել է ձայների 51,2 տոկոսը, իսկ ընդդիմության միասնական թեկնածու Էդմունդո Գոնսալեսը՝ 44 տոկոսը։
Նախընտրական հարցումները և էքզիթ փոլերը ցույց էին տվել, որ Գոնսալեսը մեծ առավելություն ունի Մադուրոյի նկատմամբ, որը երկիրը կառավարել է 11 տարի և ում օրոք Վենեսուելայի տնտեսությունը փլուզվել է։
Մադուրոն արդյունքների հրապարակումից հետո հայտարարել է, որ իր հաղթանակը խաղաղության և կայունության հաղթանակ է։
Ընդդիմությունը վստահ է, որ արդյունքները, ինչպես 2018-ի վերջին ընտրություններում, կեղծված են։
«Արդյունքները հնարավոր չէ թաքցնել։ Երկիրը խաղաղ ճանապարհով ընտրեց փոփոխություններ»,- գրել է Էդմունդո Գոնսալեսը X սոցցանցի իր էջում պաշտոնական արդյունքների հրապարակումից առաջ։
