23.06.2026 | 13:23
Փամբակի զորամասում վարժանքների ժամանակ վնասվածք ստացած զինծառայողը վիրահատվել է․ ՊՆ
Փարիզը պատրաստ է 33-րդ ամառային Օլիմպիական խաղերին և խոստանում է հավակնոտ բացման արարողություն
Քաղաքականություն
26.07.2024 | 18:50
Ֆրանսիայի մայրաքաղաք Փարիզում այսօր մեկնարկում են 33-րդ ամառային Օլիմպիական խաղերը: Համավարակից հետո և առնվազն երեք շարունակվող պատերազմների ֆոնին Փարիզի Օլիմպիական խաղերի բացման արարողության կազմակերպիչները հույս ունեն տրամադրել թեթևացում, դրական լիցքեր և, գուցե, անգամ որոշակի միասնություն մի աշխարհում, որն ավելի ու ավելի շատ է պարուրված լարվածությամբ, գրում է NBC-ն:
Ժամանակակից օլիմպիադայի 128-ամյա պատմության ընթացքում երբեք այսքան հավակնոտ տոնակատարություն չի եղել։ Մարզադաշտի ներսում 10 500 մարզիկներ 94 նավակներով նավարկելու են Փարիզի խորհրդանշական Սեն գետով շուրջ 3,5 մղոն երկարությամբ:
Բացման արարողությունը սովորաբար գրավում է մեծ թվով հանդիսականների։
Սելին Դիոնի և Լեդի Գագայի ժամանումը «Լույսերի քաղաք» ենթադրությունների պատճառ է դարձել, որ փոփ աստղերից մեկը կամ գուցե երկուսն էլ կարող են բեմ բարձրանալ այսօր:
Ֆրանսիան ուժեղացրել է իր անվտանգության միջոցառումները խաղերից առաջ՝ ապրիլին Մոսկվայում տեղի ունեցած ահաբեկչությունից հետո: Սպառնալիքի բարձրացված մակարդակը «միանգամայն հիմնավորված է», – ասում է Ֆրանսուա Հեյսբուրգը՝ ահաբեկչության դեմ պայքարի ֆրանսիացի առաջատար փորձագետներից մեկը:
Փարիզի Խաղերի թալիսմանը ստացել է Ֆրիգ (Phryges) անվանումը: Այն նման է ֆրանսիական գլխարկների և ունի կարմիր գույն: Ֆրիգիական գլխարկը համարվում է ֆրանսիական հեղափոխության և ազատության խորհրդանիշ:
Օլիմպիական խաղերի ոսկե մեդալը կշռում է 529 գրամ, արծաթե մեդալը` 525, իսկ բրոնզը` 455 գրամ: Մեդալների միջնամասում ամրացված են Էյֆելյան աշտարակից երկաթե կտորներ:
