16.03.2026 | 12:50
Ֆինալիսիմայի հանդիպումը չեղարկվել է
Ադրբեջանը ԱՄՆ-ին բողոքի նոտա է հղել՝ Դեն Բիլզերյանի Ղարաբաղ այցելության առնչությամբ
Քաղաքականություն
05.09.2018 | 13:47
Ադրբեջանում ԱՄՆ գործերի ժամանակավոր հավատարմատարին կանչել են Ադրբեջանի ԱԳՆ, որտեղ նրան հանձնել են նախարարության բողոքի նոտան՝ ուղղված ԱՄՆ պետքարտուղարությանը՝ ԱՄՆ քաղաքացի Դեն Բիլզերյանի՝ Լեռնային Ղարաբաղ այցելության առնչությամբ: Այս մասին հայտնել է Ադրբեջանի ԱԳՆ պաշտոնական ներկայացուցիչ Հիքմեթ Հաջիևը. փոխանցում է ermenihaber-ը:
Ըստ Հաջիևի՝ ներկայացվել է, թե Բիլզերյանը Ղարաբաղում զբաղվել է «անօրինական ռեժիմի» քարոզչությամբ, «հակաիրավական ճանապարհով ձեռք է բերել հրազեն և սադրիչ նպատակներով ցուցադրական կրակ բացել ԱՀ ԶՈւ դիրքերի ուղղությամբ»:
Նշվել է նաև, որ ԱՄՆ-ի քաղաքացի հանդիսացող այդ անձի՝ տեսախցիկի առջև «սանձարձակ և անկիրթ հայտարարությունները վնասում են Ադրբեջանի ու ԱՄՆ-ի միջև առկա բարեկամական հարաբերությունների ոգուն»:
Ադրբեջանցի պաշտոնյայի խոսքերով՝ ադրբեջանական կողմն ակնկալում է, որ Միացյալ Նահանգների կառավարությունն ամենայն լրջությամբ կմոտենա Բիլզերյան գործողություններիառնչությամբ իրենց մտահոգությանը:
Հիշեցնենք, որ ս.թ. օգոստոսի 31-ին մամուլի ասուլիսի ժամանակ Հաջիևը հայտարարել էր, որ Բիլզերյանն ավելացվելու է Ադրբեջանի ԱԳՆ «անցանկալի անձանց ցուցակում» Իսկ օգոստոսի 30-ին Ադրբեջանի Գլխավոր դատախազության քննչական վարչությունը քրեական գործ է հարուցել Բիլզերյանի նկատմամբ:
