07.10.2026 | 10:46
Գագիկ Խաչատրյանից առգրավված 70 կտավ հանձնվել է Ազգային պատկերասրահին
Ջո Բայդենի՝ ընտրապայքարից դուրս գալու որոշումն անակնկալի է բերել Դոնալդ Թրամփի նախընտրական շտաբին․ Axios
Քաղաքականություն
26.07.2024 | 16:32
Նախագահական ընտրապայքարից դուրս գալու՝ ԱՄՆ նախագահ Ջո Բայդենի որոշումն անակնկալի է բերել նախկին նախագահ Դոնալդ Թրամփի շտաբին և հանրապետականներին, այս մասին հայտնում է Axios-ն՝ իր աղբյուրներին հղումով։ Թրամփի թիմը, որը սովորաբար արագ է արձագանքում նախընտրական քարոզարշավի նորություններին, ԱՄՆ նախագահի որոշմանն արձագանքող հայտարարությունը տարածել է միայն երկու ժամ անց։ Ինքը՝ Թրամփը ավելի վաղ իր Truth Social սոցիալական ցանցում գրառում էր արել այդ մասին։
Թրամփի նախընտրական շտաբի ավագ խորհրդական Ջեյսոն Միլլերի խոսքով՝ իրենք զարմացել են «այն արագությամբ, որով ազատվել են Ջո Բայդենից»։ Սակայն նրանց համար զարմանալի չէր, որ մրցավազքի մեջ է մտել փոխնախագահ Քամալա Հարիսը։
«Ես անձամբ կարծում էի, որ դա կլինի մի շաբաթ անց: Ես կարծում էի, որ Ջո Բայդենը կփորձի հանդիպել Բիբիի հետ»,- ասել է Միլլերը՝ նկատի ունենալով Իսրայելի վարչապետ Բենիամին Նեթանյահուի այցը Միացյալ Նահանգներ։
Լրատվամիջոցը գրում է, որ որոշ պաշտոնյաներ նախազգուշացրել են նախընտրական շտաբին, որ Բայդենի հեռանալը իրական է, սակայն քարոզարշավի ուշադրությունը մնացել է կենտրոնացած Բայդենի վրա:
