17.12.2025 | 16:05
ՆԱՏՕ-ի գլխավոր քարտուղարի տեղակալը վաղը Հայաստան կայցելի
Թրամփը հրաժարվել է Հարիսի հետ բանավեճից, քանի դեռ նա պաշտոնապես հաստատված չէ որպես թեկնածու
Քաղաքականություն
26.07.2024 | 16:55
ԱՄՆ նախագահի թեկնածու Դոնալդ Թրամփի թիմը հրաժարվել է բանավեճից իրենց հիմնական մրցակցի՝ Քամալա Հարիսի հետ։ Այս մասին հայտարարել է Թրամփի խոսնակ Սթիվեն Չենգը, հայտնում է Bloomberg լրատվական գործակալությունը։
Նրա խոսքով՝ բանավեճի պլանավորումը «չի կարող ավարտվել այնքան ժամանակ, քանի դեռ դեմոկրատները պաշտոնապես չեն որոշել իրենց թեկնածուին»:
«Մենք կարծում ենք, որ Հարիսի հետ որևէ իրադարձություն պլանավորելը տեղին չէ, քանի որ միանգամայն հնարավոր է, որ դեմոկրատները դեռ կարող են փոխել իրենց կարծիքը», – ասել է Չենգը:
Ինքը՝ Հարիսը, «X» սոցիալական ցանցում հեգնական արտահայտություն է արել՝ ի պատասխան Թրամփի թիմի այս դիրքորոշման։
«Ինչ վերաբերում է գովաբանված «ցանկացած ժամանակ, ցանկացած վայրում»-ին,-գրել է նա։
Հարիսը դեմոկրատների կողմից բարձրաձայնված նախագահի միակ թեկնածուն է և ունի գրեթե բոլոր առաջատար կուսակցական գործիչների աջակցությունը:
Պարբերականն արձանագրում է, որ հունիսի 27-ին Թրամփի և ԱՄՆ ներկայիս նախագահ Ջո Բայդենի բանավեճը հօգուտ հանրապետականի խաղաց և հարված հասցրեց դեմոկրատներին։ Գործող նախագահի վատ ելույթը կուսակցությունում խուճապ առաջացրեց՝ կապված նրա տարիքի հետ՝ ի վերջո, դուրս թողնելով Բայդենին մրցապայքարից և հանգեցնելով նրան Հարիսով փոխարինելուն:
