09.09.2026 | 11:48
ԱՄՆ-ն հայտնել է իրանական 5 լցանավերի ոչնչացման մասին․ Թեհրանը թիրախավորել է Հորդանանում ամերիկյան ռազմաբազան
Բրազիլիայում գրանցվել են Օրոպուշ տենդից մահվան առաջին երկու դեպքերը
Քաղաքականություն
26.07.2024 | 15:28
Բրազիլիայում երկու երիտասարդ կին է մահացել Օրոպուշ տենդից։ Նրանք դարձել են Բրազիլիայում դեռևս 1960 թվականին հայտնաբերված վիրուսի առաջին զոհերը։ 2024 թվականի սկզբից մինչև հիմա Բրազիլիայի առողջապահության նախարարությունը գրանցել է տենդի ավելի քան 7,2 հազար դեպք։
Ըստ գերատեսչության՝ կանայք այլ ուղեկցող առողջական խնդիրներ չեն ունեցել, սակայն նրանց մոտ նաև ախտանշաններ են ի հայտ եկել, որոնք նման են եղել դենգեի տենդին: Մինչ այժմ համաշխարհային բժշկական պրակտիկայում այս հիվանդությամբ մահացության դեպքեր չէին գրանցվել։ Սանտա Կատարինայում ևս մեկ մահվան դեպք դեռ քննության փուլում է, բայց Օրոպուշ տենդի հետ պատճառահետևանքային կապը հաստատված չէ:
Օրոպուշ տենդը վարակ է, որը փոխանցվում է վարակված մոծակների միջոցով: 2020 թվականի հոկտեմբերին Առողջապահության համաշխարհային կազմակերպությունը (ԱՀԿ) հաղորդել էր վիրուսով վարակման առաջին դեպքերի մասին Ֆրանսիական Գվիանայում։ 2024 թվականի հունիսի սկզբին վիրուսը հայտնաբերվել էր նաև Կուբայի ինը նահանգներում։
