09.09.2026 | 16:49
Ադրբեջանի և Հայաստանի արտգործնախարարների առաջիկա հանդիպման շուրջ պայմանավորվածություն կա․ խոսնակ
Թուրքիայի առողջապահության նախարարն իր հույն գործընկերոջը հրավիրել է «բուժման»
Քաղաքականություն
26.07.2024 | 14:18
Թուրքիայի առողջապահության նախարար Քեմալ Մեմիշօղլուն X-ի իր միկրոբլոգում արձագանքել է Հունաստանի առողջապահության նախարարի հայտարարությանը, որ «F-35-ները մի գիշեր հանկարծ կարող են գնալ Անկարա»։
«Իմ հույն գործընկեր Ադոնիս Գեորգիադիս, ես ուրախ կլինեմ հյուրընկալել Ձեզ Ստամբուլի Başakşehir Çam և Sakura քաղաքային հիվանդանոցներում՝ ծառայություններ մատուցելու Ձեր անձնական առողջության համար, որպեսզի նաև կարողանաք հետևել մեր երկրի հաջողություններին առողջապահության ոլորտում»,- գրել է թուրք նախարարը։
Հիշեցնենք, որ Հունաստանի առողջապահության նախարար Ադոնիս Գեորգիադիսն ավելի վաղ արձագանքել էր Կիպրոս ներխուժման 50-ամյակի կապակցությամբ Թուրքիայի ՊՆ հայտարարություններին։ Open TV-ի հետ զրույցում Գեորգիադիսն ասել էր, որ «Հունաստանը կարող է հանկարծակի մեկ գիշերում իր F-35-ներով գնալ Անկարա»։
Թուրքիայի պաշտպանության նախարար Յաշար Գյուլերն էլ, լրագրողների հետ զրույցում մեկնաբանելով այս հայտարարությունը, նշել էր․ «Ամեն տարի 60 միլիոն զբոսաշրջիկ է գալիս Թուրքիա, նրանք կարող են գալ։ Համեցեք, սպասում ենք»։
Էմմա Չոբանյան
