15.12.2024 | 11:22
Դժբախտ պատահարի հետևանքով մահացել է Mango-ի հիմնադիրը
ԱՄՆ-ն Ուկրաինային լրացուցիչ 2 միլիարդ դոլարի ռազմական օգնություն կհատկացնի
Քաղաքականություն
26.07.2024 | 13:31
ԱՄՆ պաշտպանության նախարարությունը կկարողանա լրացուցիչ 2 միլիարդ դոլար հատկացնել Ուկրաինային օգնելու համար։ Դա պայմանավորված է տեխնիկայի արժեքի վերագնահատմամբ, որը Պենտագոնն արդեն ուղարկել է Ուկրաինայի ԶՈՒ-ին, գրում է BBC-ի ռուսական ծառայությունը։
Սարքավորումների արժեքի գնահատման հարցում անճշտություններ էին եղել դեռևս 2023 թ․ին։ Այդ ժամանակ պարզվել էր, որ Ուկրաինա ուղարկված սարքավորումներն արժեն 6,2 միլիարդ դոլարով պակաս, քան նախկինում հաշվարկվել էր։ Դրա շնորհիվ Կիևը կարողացել էր լրացուցիչ օգնություն ստանալ այն ժամանակ, երբ ԱՄՆ Կոնգրեսը դեռ չէր ընդունել Ուկրաինային աջակցելու օրինագիծը, և բոլոր հաստատված միջոցները սպառվել էին։
Այժմ պարզվում է, որ թերագնահատման մասշտաբներն ավելի մեծ են և կազմում են 8,2 միլիարդ դոլար։ ԱՄՆ Հաշվիչ պալատի զեկույցում ասվում է, որ նման անհամապատասխանությունների պատճառը Կիևին հատկացվող օգնության գնահատման հստակ չափանիշների բացակայությունն է։
Reuters-ը նշում է, որ դեպքերից մեկում 10 միավոր սարքավորումները սկզբում գնահատվել են մոտավորապես 7 միլիոն դոլար, սակայն դրանց ուղեկցող փաստաթղթերում ասվում է, որ դրանք իրականում ոչինչ չարժեն։
