21.07.2026 | 14:24
Բաքվից հայտարարում են, թե «Զանգեզուրի միջանցքը» կկրճատի Ադրբեջանից Եվրոպա բեռնափոխադրման հեռավորությունն ու ծախսերը
Ռումինիայի սահմանին ՌԴ-ի կողմից ԱԹՍ-ի կիրառումն «անպատասխանատու է և պոտենցիալ վտանգավոր»․ՆԱՏՕ
Քաղաքականություն
26.07.2024 | 12:38
ՆԱՏՕ-ն հայտարարել է, որ իր տարածքում «միտումնավոր հարձակման նշաններ չի տեսնում»: Այս մեկնաբանությունը հնչել է այն բանից հետո, երբ նախօրեին Ռումինիայում հայտնաբերել էին ռուսական անօդաչու թռչող սարքի մնացորդներ, գրում է Reuters-ը։
Ռումինիայի պաշտպանության նախարարությունը հայտնել էր, որ ռուսական «Գերան»» անօդաչու թռչող սարքի բեկորներ է հայտնաբերել Ուկրաինայի Իզմայիլ նավահանգստային քաղաքի մոտ գտնվող Պլաուրու գյուղի մոտ, որը երկրորդ գիշերն անընդմեջ ենթարկվել է ռուսական հարձակման։
Մեկնաբանելով բեկորների մասին հաղորդագրությունները՝ ՆԱՏՕ-ի մամուլի խոսնակն ասել է, որ դաշինքի տարածքի վրա միտումնավոր հարձակման որևէ նշան չկա:
«Թեև ՆԱՏՕ-ն չունի որևէ տեղեկություն, որը վկայում է Ռուսաստանի կողմից դաշնակիցների տարածքի վրա որևէ միտումնավոր հարձակման մասին, այդ գործողությունները անպատասխանատու են և պոտենցիալ վտանգավոր», – ասվում է խոսնակի հայտարարության մեջ:
Ռումինիայի ռազմական գերատեսչությունը նաև նշել էր, որ երկու ֆիննական F-18 կործանիչներ, որոնք մասնակցում էին Ռումինիայի օդային տարածքը պաշտպանելու նպատակով ՆԱՏՕ-ի առաքելություններին, օդ են բարձրացվել դիտարկման համար։
